Meer as 120 sterf in terreur-aanvalle in Parys, Frankryk kondig noodtoestand aan

Nooddienste op een van die tonele. Foto: (AP Photo/Thibault Camus)

Nooddienste op een van die tonele. Foto: (AP Photo/Thibault Camus)

WAARSKUWING: Die foto’s en video’s onderaan die berig is grafies van aard en kan sensitiewe kykers ontstel.

Meer as 120 mense is deur die loop van Vrydagaand in verskeie aanvalle in Parys in Frankryk dood. Francois Hollande, die Franse President, het ʼn noodtoestand afgekondig te midde van die aanvalle, wat as die ergste in Frankryk beskryf word sedert die Tweede Wêreldoorlog. Hy het ook die land se grense gesluit.

ʼn Reeks aanvalle regoor die stad het onder meer sokkerondersteuners by Frankryk se nasionale stadion, jongmense wat by ʼn konsert was en mense by verskeie kuierplekke en restaurante  geteiken.

Die ergste slagting was by die Bataclan-konsertsaal waar ʼn Amerikaanse rockgroep opgetree het. Talle mense is gyselaar gehou, waarna die selfmoordbomaanvallers ploftoestelle aan hul gordels laat ontplof het. Die polisie wat op die voorval reageer het, is met ʼn bloedblad binne die saal begroet.

Niemand het nog verantwoordelikheid vir die aanvalle aanvaar nie. Die dodetal sal na verwagting nog styg.

Ten minste sewe van die aanvallers is in selfmoordbomontploffings dood en een is doodgeskiet. Owerhede ondersoek die moontlikheid dat daar nog verdagtes op vrye voet is en hulle is op soek na moontlike medepligtiges.

Hollande het die aanvalle as terrorisme veroordeel en belowe dat Frankryk sterk sal staan teen sy vyande.

Lees die opvolgberigte: Islamitiese Staat aanvaar verantwoordelikheid ; Facebook stel ‘safety check’ in werking ná Parys-terreuraanvalle ; Parys-terreuraanvalle: Dodetal op 129, nog geen SA’ners as dood aangemeld nie

https://youtu.be/4j7AwyqQNCA

https://youtu.be/B8Kx8652EFo

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

73 Kommentare

jongste oudste gewildste
Johannes

Dit is uiters tragies, die Franse moet geen genade betoon met hul vervolging van die beplanners nie! Maar het Siener van Rensburg nie hierdie onrus in Europa agv immigrante gesien nie?

talitha

Dis baie hartseer wat gebeur het in Parys. Ons kan maar net vir hulle bid.
Ongelukkig is lande oopgestel vir alle nasies en so kom ekstrimiste ook in.
Ek glo dat Frankryk en Europa n ‘wake up call’ gekry het. Of dit betyds is, sal die tyd ons leer.

Jakoba

Wat n tragedies, ek het dit sien kom met al die sogenaamde vlugtelinge wat oor Europa se grense stroom. Die Franse laat mos alles wat kopdoek en tafeldoek dra toe. Lek die goed se voete af voer hulle en nou byt hulle die hand wat hulle voer.

Elbie

Ontsettend tragies, kan net bid vir hulle. Wat gebeur met die wereld? Dit maak mens bang.

Anoniem

Wat jy saai sal jy maai. Hoe waar tog nie.