Mercedes laat vaar appèl-planne

Mercedes en sy ondersteuners meen dat Lewis Hamilton van sy agtste wêreldkampioenskaptitel beroof is. Daar word egter nie meer verdere aksie geneem nie. Foto: Guiseppe Cacace/AFP.

Mercedes het vroeër vandag aangekondig dat hy nie verder teen Max Verstappen se F1-wêreldkampioenskaptitel sal skop nie.

Verstappen is verlede Sondag op dramatiese wyse as die eerste Nederlandse wêreldkampioen aangewys toe hy eerste oor die eindstreep in Abu Dhabi gejaag het.

“Ons het Abu Dhabi in ongeloof verlaat oor wat ons op die renbaan aanskou het. Dit is alles deel van die sport om ’n wedren te verloor, maar dis ’n ander storie wanneer jy vertroue in wedrenne verloor,” het Mercedes in ’n verklaring gesê.

Volgens die motorvervaardiger het hy nog altyd geglo dat die wenner deur meriete bepaal word; Sondag se gebeure het egter ’n wrang smaak in die mond gelaat.

“Die rede waarom ons besluit het om protes aan te teken is omdat die veiligheidsmotor-regulasies op ’n nuwe manier toegepas is wat ’n invloed op die uiteindelike wedrenuitslag gehad het. Lewis [Hamilton] was op koers om die Wêreldkampioenskap te wen.”

Mercedes meen dat hy in die belang van regverdigheid appèl aangeteken het, maar dat “opbouende gesprekke” met die FIA hom van plan laat verander het.

Die renspan hoop dat daar nou voortaan meer duidelikheid sal wees sodat alle deelnemers die reëls ken en weet hoe dit toegepas sal word.

“Ons verwelkom ook die FIA se besluit om die onlangse gebeure te ontleed om sodoende die robuustheid van sy reëls, beheer en besluitneming te verbeter. Ons hou hulle aanspreeklik vir hierdie proses en onttrek hiermee ons appèl-aksie.”

Bernie Ecclestone, die voormalige F1-baas, het juis vroeër vir Mercedes aangeraai om nie met die aksie voort te gaan nie.

“Dit sal doodeenvoudig net lyk of hulle slegte verloorders is. Op die ou einde het twee renjaers mekaar die stryd aangesê en een was vinniger as die ander. Dit is sommer bog – dit het Mercedes vier uur geneem om te wroeg of hulle saak meriete het of nie,” het Ecclestone gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Robert

Ag shame…

Lood

Hamilton het net vir Mercedes te blameer dat hy verloor het. As sy span hom ingebring het vir nuwe bande sou hy nog steeds voor wees en met gemak gewen het.

casper

Born Losers Mercedes –BLM viva !!

KB

Ag ou Loos is, en was, nog altyd ‘n swak verloorder…dis hoekom hy so ongewild is. Toto is m.i. ook maar ‘n ou jakkals. Nee wat Horner (Red Bull) is jaartse beter! En Verstappen is ‘n wakker-rakker. Ek is ‘n Vettel-man, maar hierdie is die beste uitslag in jare!

PP

Dit is jammer dat Toto nie wil voorgaan met die aksie nie. Dit gaan nie noodwendig oor die verloor nie, maar eerder oor die regverdige toepassing van die reëls, en dit is wat beklemtoon moet word.