Mexiko-president gaan nie met Trump vergader

Enrique Pena Nieto, president van Mexico (23 Januarie 2017) Foto: AP Photo/Marco Ugarte

Enrique Pena Nieto, president van Mexico (23 Januarie 2017) Foto: AP Photo/Marco Ugarte

Enrique Pena Nieto, president van Mexiko, het Donderdag gesê hy gaan nie ʼn beplande verdagering op 31 Januarie met pres. Donald Trump van Amerika bywoon nie.

Dit volg ure nadat Trump op Twitter gesê het die vergadering moet gekanselleer word indien Mexiko nie vir ʼn grensmuur sal betaal nie.

Pena Nieto se boodskap op Twitter is ʼn antwoord op die onsekerheid hoe hy sou reageer teenoor Trump se aggressiewe houding teenoor die land.

Maroela Media het vroeër berig Trump het reeds met uitvoerende optrede begin oor immigrasie en met stappe om sy voorgestelde muur op die VSA/Mexiko-grens te bou. Hy sal na verwagting ook voorstelle hersien wat die vloei van vlugtelinge na die VSA sal beperk.

“Ek het die Withuis vanoggend in kennis gestel dat ek nie die vergadering volgende week Dinsdag sal bywoon nie,” het Pena Nieto op Twitter gesê. “Mexiko benadruk sy bereidwilligheid om met die VSA saam te werk om ʼn ooreenkoms te bereik wat tot voordeel strek van albei lande.”

Sean Spicer, woordvoerder van die Withuis, het gesê hulle sal ʼn ander datum beplan. “Ons sal die kommunikasiekanale oophou,” het Spicer gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Yolandie Le Roux

As mnr Trump so graag die muur wil bou. Hoekom moet die Meksikaanse president daarvoor betaal.
Mnr Trump moet maar self daarvoor betaal

Hendrik

Trump skiet homself en Amerika in die voet. Die oorgrote meerderheid onwettige Meksikaanse immigrante in die VSA is mense wat met wettige visums die VSA binnekom, en dan nie weer teruggaan nie. ‘n Muur sal slegs ‘n baie klein persentasie mense keer. Meksikaanse trekarbeiders vervul ‘n kritiese rol in die VSA landbou en visums sal dus daarvoor aan hulle uitgereik moet word. Deur Amerikaanse vervaardiging uit Meksiko te onttrek, ontstaan groter werkloosheid in Meksiko en dus meer dwelmhandel met die VSA. Daardie manne grawe tonnels om die VSA binne kom. Trump moet eerder werk om Amerikaners van dwelms af te… Lees meer »

willie

Indien daar genoeg stene oorbly skenk dit asb vir ons grense!

Johannes van Staden

Ag dis sy loss

Koos

Die muur het meer simboliese / ideologiese waarde. Beskerm wie en wat jy is – en WIL wees!