Miljardêr-seksoortreder dood in tronksel gevind

Jeffrey Epstein in polisieaanhouding. (Foto: AP Photo/Palm Beach Sheriff’s Office, File)

Die Amerikaanse miljardêr en finansierder Jeffrey Epstein is dood in sy tronksel in ʼn gevangenis in Manhatten aangetref.

Epstein (66) het glo sy eie lewe geneem. Hy is verlede maand in hegtenis geneem in verband met sekshandel-aanklagte.

Epstein, ʼn welgestelde verskansingsfondsbestuurder wat eens vriende met oudpres. Bill Clinton, pres. Donald Trump en prins Andrew was, het glo minderjarige meisies betaal om hom by sy huise in Florida en New York masserings te gee waar hy hulle glo gemolesteer het.

Die aanklagte teen hom hou verband met bewerings wat dateer uit die vroeë 2000’s.

Epstein se inhegtenisneming was te midde van ʼn hernude ondersoek na ʼn voorheen geheime pleitooreenkoms wat ʼn strafregtelike ondersoek teen hom beëindig het. Die ooreenkoms, wat nou in ʼn Florida-hof betwis word, het Epstein in staat gestel om in 2007 skuld te beken op ʼn minder ernstige aanklag van prostitusie.

Hy is toe as ʼn seksoortreder geregistreer, maar het ʼn lewenslange vonnis vrygespring. Hy is tot 13 maande agter tralies gevonnis. Die ooreenkoms het ook behels dat hy finansiële skikkings met sy talle slagoffers aangaan.

Volgens hofrekords het owerhede gesê minstens 40 minderjarige meisies is destyds na Epstein se Palm Beach-herehuis geneem vir seksuele ontmoetings nadat die meisies plaaslik en in ander dele van die wêreld gewerf is. Van die meisies is ook na Epstein se wonings in New York City, Nieu-Mexiko en ʼn private Karibiese eiland geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Magaretha van Heerden

Ons het dit verwag. Nie selfmoord nie maar hy is vermoor deur die Deep State. Omdat Trump hom jare terug geken het is dit al waarna die vals media verwys. Trump wou nie me t home vriende wees nie en het hom weggejaag jare terug oor sy eskapades. Die Clintons was sy gereelde seks gaste en word nou gladnie genoem nie. Net so Prins Andrew en talle ander celebrities. Hoe vals het die media nie geraak nie. Skep n totale verkeerde beeld van Trump omdat dit hulle pas. Die FBI wat veronderstel is om so “competent” te wees is gladnie.… Lees meer »

Rinkhals

Good riddance.

Frederik

Deep State influence… So korrup soos kan kom… Amerika was ons ondergang. Ons betaal reeds 25 jaar hieroor met ons geliefdes se wel en weë. Nou is Donald Trump daar om die onreg om te draai.. Kyk wat gebeur met die reg en regverdigheid.. Liberale gaan en is besig om die wêreld te verwoes teen die Heilige woord en ons Lewende God.

Mel

Mageretha dis absoluut waar. Trump het hom jare terug van golf estate verwilder omdat Epstein met minderjariges gelol het. Hy is n getuie en bedreig die Clinton clan. Daar was voorspel hy gaan gesuicide word soos soveel ander Clinton vrinne. Youtube “Clinton Cash” vir waarheid oor Clinton Foundation en Haiti reddingsfonds.

Thi

Lekker kry vir jou. Trump het net soveel in hierdie tragetie