Minstens 115 dood tydens konflik in Libië

Voortgesette botsings tussen Libiese burgermagte in die hoofstad Tripoli het die afgelope maand tot die dood van minstens 115 gelei en ongeveer 383 persone is beseer.

Die Libiese ministerie van gesondheid het Sondag in ʼn verklaring dié syfers bekend gemaak ná konflik tussen die Sewende Brigade of Kaniyat van Tarhouna, ʼn dorp 65 km suidoos van Tripoli, teen die Tripoli Rewolusionêre Brigade (TRB) en die Nawasi, twee van die hoofstad se grootste gewapende groepe, ondanks ʼn kort skietstilstand.

Die jongste episode van geweld tussen burgermagte het laat in Augustus begin ná die Kaniyat, ondersteun deur groter groepe buite Tripoli, ʼn aanval teen die hoofstad geloods het.

Die olieryke land in Noord-Afrika gaan gebuk onder onsekerheid ná die voormalige leier, Moeammar Ghaddafi, se regering ontsetel is en hy tydens die Arabiese Lente in 2011 gesterf het.

Die burgermagte baklei vir territoriale beheer te midde van ʼn lewe van welvaart, oordadigheid en betrokkenheid by misdade.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Trots Afrikaans ·

115 Dood. Dis amper veiliger daar as op ‘n plaas in RSA

Jan Seerot ·

A! Twee dae se oessyfers in SA. En daardie getal in Libië is afkomstig van gewapende konflik af.
Óf hulle kan nie reguit skiet nie, óf ons het gewapende konflik hier.
Gooi die muntstuk maar op en besluit self.

Johanna Botha ·

115 dood en 57 per dag hier en oor 2 dae 114 ….genade hulle is 1 voor ons !

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.