Minstens 20 persone is Vrydag dood en 17 beseer toe ʼn bus in Nepal die pad verlaat en in ʼn rivier beland het.
Polisiebeamptes het gesê die bus het ongeveer 100 meter ver teen ʼn helling afgerol en in die vinnigvloeiende Trishuli-rivier in Chitwan, ongeveer 120 km wes van Katmandu, beland.
Inwoners en polisiebeamptes het die beseerdes gehelp en hulle uit die wrak gehaal, wat grotendeels onder die water was.
Owerhede ondersoek die oorsaak van die ongeluk.
Padongelukke in die bergagtige Nepal word hoofsaaklik toegeskryf aan voertuie en paaie wat nie in stand gehou word nie.
Minstens 26 persone is vroeër vandeesmaand ook in ʼn busongeluk in Nepal dood toe ʼn passasiersbus op 15 Augustus ongeveer 300 meter ver na benede gestort het. Die bus was van Katmandu na Dolalghat op pad.
Hierdie busongeluk laat ‘n mens onwillekeurig terugdink aan die Westdene busramp waar daar soveel skoolkinders oorlede is. Ek het nie een van daardie skoolkinders geken nie, maar so iets maak ‘n mens baie hartseer.
Ai so hartseer. Sterkte aan hul families.