Nicolas Maduro, president van Venezuela (Foto: Xinhua/Miraflores Press/AVN)
Minstens 1 miljoen inwoners het Venezuela al sedert November 2018 verlaat terwyl die krisis in die Suid-Amerikaanse land voortduur, het VN-agentskappe Vrydag gesê.
Die jongste toename bring die getal emigrante en vlugtelinge van die land op ongeveer 4 miljoen te staan, ʼn verhoging van 695 000 laat in 2015, toe die opposisie se verkiesingsoorwinning konflik met pres. Nicola Maduro laat opvlam het.
Colombia is grootliks die bestemming waar ongeveer 1,3 miljoen Venezolane bly, gevolg deur Peru met 768 000, het die Verenigde Nasies se vlugtelingeagentskap (UNHCR) en die internasionale organisasie vir emigrasie (IOM) in ʼn gesamentlike verklaring gesê.
Chile, Ecuador, Brasilië en Argentinië huisves ook honderdduisende Venezolane. “Latyns-Amerikaanse en Karibiese lande doen ook hul deel om te reageer op die ongekende krisis,” het Eduardo Stein, bestuurder van UNHCR in Venezuela, gesê. “Daar kan egter nie van dié lande verwag word om daarmee voort te gaan sonder internasionale hulp nie.”
ʼn Krisisplan om 2,2 miljoen Venezolane te help is laat in 2018 van stapel gestuur. Slegs 21% van die $738 miljoen is deur lande geskenk.
Venezuela beleef ʼn massiewe ekonomiese en politieke krisis onder Maduro, wat verlede jaar ʼn tweede termyn gewen het in ʼn verkiesing wat deur meeste lede van die opposisie geboikot is. Inwoners het die lande begin verlaat te midde van hiperinflasie en voedseltekorte.
Klik hier om die VN-verklaring te lees
Mens wil die inwoners jammer kry, maar dan MOET jy jouself afvra, het die meerderheid nie gestem vir die leier wat hulle het nie. Kyk maar net hoe stem “ons” eie mense vir hulle eie ondergang.
Jy’s reg Herman. ‘n Land verdien sy regering.
Dit bly net ongelooflik dat die anc nie kan leer en besef dat hulle ook besig is om dieselfde paadjie te stap as Venezuela. Moet seker toegeskryf word aan die lae % wat nodig is om te slaag op skool en Universiteit. Sukkel om deur te dring tot hulle se verstand!!!!!
Venezuela, Zimbabwe… Maar nee, die ANC en EFF wil nie leer nie! Dink hulle regtig Suid-Afrika gaan die “sukses verhaal” wees? Of gee hul bloot net nie om nie? Solank hul sakke net bult…
Die probleem is dat vandag se jong mense wil begin met waarmee os as ouer mense vir 40 jaar gewerk het.
Sosialisme, die dood van enige staat. Maak nie saak of dit derde wereld of eerste wereld staat is nie. Sodra die slang van sosialisme in syl, so begin hy die land druk en druk tot die land nie meer kan asemhaal nie dan sluk hy die staat in kop eerste…
So jonger mense moet eintlik niks doen of begin nie want ouer mense het dit al vir 40 jaar gedoen. Ek sien ook nie wat rerig gedoen is nie. Ek respekteer ouer mense maar nie ouer mense wat die blaam lê op die jonger mense nie. Gee ons n kans dalk verbaas ons julle. Dit is die anderkant, daar is nooit vir ons die kans gegee om onsself te bewys nie, nee die ouer mense het eerder die land weggegee as om ons n kans te gee.
ANC se pelle
Hoe nou? Alles is eintlik Trump se skuld… Alles op aarde wat verkeerd loop is Trump se skuld. Diè dat miljoene op die VSA afstorm. Binnekort is dit ook sy skuld as maan- en Marslandings skeefloop. Ons wag vir ‘human rights’-uittogte na die buitenste ruim.
Drie raaie wie eerste gaan kla oor swak behuising en dienste.
Jip ons is op pad soontoe korupsie is baie erger hier as daar en ons ministers gaan soontoe om nog wyser te word
Dit is bitter moeilik. Ek weet.. maar kom ons probeer net een keer sê dat ons land nie soos Zim of Venezuela gaan word nie? Een keer wat ons sê ons gaan bo uit kom. Ek self sê ook daar is nie lig aan die einde van hierdie diep donker tonnel nie, maar diep binne my glo ek nogsteeds daardie lig is om die draai, dalk nie die heel eerste draai of selfs die derde of sewende draai nie, maar sowaar die lig sàl kom. Ek weet nie of enigiemand anders ook daardie gevoel het dat jy teen hemele wil uitskree ‘dit is verwoes’ maar die stil stemmetjie sê weer ‘bedaar, alles gaan weer reg wees’. Kom ons praat mekaar eerder moed in. Asseblief?
My hart gaan uit na hierdie mense van Venezuela. Dit is eenvoudig n doodloop straat, maar nog steeds het daar n Suid Afrikaanse afvaardiging onlangs besoek afgele aan Madura in Venezuela. Wonder maar net.