Minstens 50 persone is dood ná ʼn tornado die suidoostelike staat van Kentucky in die VSA getref het. Storms woed voort oor groot dele van die land.
Verskeie gebiede in Kentucky is verwoes met die sterkste tornado wat 200 myl (sowat 320 km) deur die staat getrek het, het goewerneur Andy Beshear aan verslaggewers gesê.
“Ek is bekommerd dat meer as 50 mense dood is. Dit is waarskynlik nader aan ʼn getal tussen 70 en 100. Dit is absoluut tragies,’ het hy gesê en bygevoeg dit is “die ergste tornado in Kentucky se geskiedenis”.
Die goewerneur het gesê ʼn dak het by ʼn kersfabriek in Mayfield inmekaargestort en verskeie persone is oorlede.
“Ek het voor middernag ʼn noodtoestand uitgeroep,” het Beshear gesê.
ʼn Storm het Vrydag ook ʼn groot Amazon-pakhuis in Illinois getref. Minstens twee persone is dood. Plaaslike media berig ongeveer 100 werkers was in die pakhuis vasgekeer. Beamptes het deurnag gewerk om werknemers by die fasiliteit te red. Hulle was nagskofwerkers wat besig was om bestellings voor die Kersfeesvakansie te prosesseer.
Beeldmateriaal wys hoe ʼn groot deel van die Edwardsvilla Amazon-pakhuis se dak afgeruk is en een van die mure het inmekaargesak.
Richard Rocha, woordvoerder van Amazon, het in ʼn verklaring aan plaaslike media gesê die veiligheid en welstand van personeellede is hul topprioriteit. “Ons assesseer die situasie en sal bykomende inligting deel sodra dit beskikbaar gemaak word.”
Een persoon is in Arkansas dood en 20 is vasgekeer toe ʼn tornado die Monette Manor-versorgingsoord getref het. Diegene wat vasgekeer was, is suksesvol gered. “Die struktuur is egter min of meer heeltemal verwoes,” het Marvin Day, beampte van Craigheid, aan plaaslike nuuskanale gesê.
Minstens twee persone is in Tennessee dood in stormverwante voorvalle, het ʼn beampte van die nooddienste gesê.
Video of the tornado that hit an Amazon warehouse in Edwardsville, IL last night. Why isn’t anyone mentioning the fact that this happened in DECEMBER? Tornados in December is not normal. pic.twitter.com/DAruH6u6GZ
— Kate ???????????? (@ImSpeaking13) December 11, 2021
Amazon distribution warehouse in Edwardsville, Ill. is partially collapsed after Friday tornado. pic.twitter.com/QUBKSYUIMP
— Robert Cohen (@kodacohen) December 11, 2021
This is all that's left of an Amazon warehouse in Illinois after a tornado struck the building, in what's being described as a 'mass casualty event' by officials.
Several tornadoes struck a number of US states overnight, with reports of more than 50 people killed. pic.twitter.com/AG2RDadwb3
— Channel 4 News (@Channel4News) December 11, 2021
Ons kan net bid vir die mense