Minstens 80 dood in ‘terreuraanval’ in Frankryk

Die vragmotor wat in die dodelike aanval gebruik is. Foto: AP Photo/Luca Bruno

Die vragmotor wat in die dodelike aanval gebruik is. Foto: AP Photo/Luca Bruno

Die noodtoestand wat sedert November in Frankryk van plek is, is verleng na ʼn dodelike aanval in Nice, waarin minstens 80 mense dood is.

Die bestuurder van ʼn wit vragmotor het Donderdagaand op die promenade in ʼn groot skare wat Bastilledag gevier en pas ʼn vuurwerkvertoning gekyk het, ingeploeg. Volgens BFM TV het die bestuurder vir sowat 2km die vragmotor gebruik om in mense in te ploeg. Hy het glo ook op die skare losgebrand.

Berand Cazeneuve, minister van binnelandse sake, het gesê minstens 80 mense, insluitend kinders, is in die aanval dood. Tientalle mense is beseer, met 18 mense wat glo in ʼn kritieke toestand is.

Noodvoertuie op die toneel. Foto: AP Photo/Christian Alminana

Noodvoertuie op die toneel. Foto: AP Photo/Christian Alminana

Die bestuurder van die vragmotor is deur polisiebeamptes doodgeskiet. Volgens ʼn identiteitsdokument wat in die vragmotor gevind is, was die bestuurder ʼn 31-jarige man van Tunisië wat in Nice gebly het. Dit is nog nie duidelik of hy medepligtiges gehad het nie.

Wapens en handgranate is ook in die vragmotor gevind. Die Franse president Francois Hollande het gesê die voorval word as ʼn terreuraanval ondersoek.

Hollande het Donderdag aangekondig die noodtoestand in Frankryk sal op 26 Julie opgehef word, maar sal nou vir nog drie maande verleng word.

Alle Bastilledag-vieringe is intussen gekanselleer en vlae sal halfstok hang na die dodelik aanval.

Wêreldleiers het die aanval intussen ten sterkste veroordeel en hul medelye met die slagoffers se families uitgespreek. Die nasionaliteite van die slagoffers en beseerdes is nog nie bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Basson

Hoe gerieflik dat ID dok / paspoorte altyd gevind word, selfs in die middel van ‘n ontploffing (in ander sake as die)

Valsvlag?

Herman

Ai wanneer gaan Europa wakker word????

fransie

Baie tragies. Sterkte aan die families

Hein

Dit is rertig verskriklik wat gebeur het. Die gety gaan beslis teen die immigrante draai.

Kleintjie

Isis verband???