ʼn Motorfietsryer het Saterdag die verkeer op een van Madrid, Spanje, se besigste snelweë tot ʼn stilstand gedwing toe hy afgetrek het om na sy valstande te soek.
Die valstande het glo uit sy mond geval toe hy genies het, berig plaaslike media.
Twee munisipale beamptes het die motorfietsryer op die M-30-snelweg genader en hom beveel om verder te ry vir sy eie en ander motoriste se veiligheid, het Europa Press berig. Dit is nie duidelik of hy sy valstande opgespoor het nie.
Die stad se polisie was nie dadelik beskikbaar om die berig te bevestig of meer besonderhede te verskaf nie. -SAPA
Stuff happens !
Maak sin. Daai Spaanse fabrikaat ‘COFERSA’-motorfietse byt glo behoorlik teer.