Mugabe staan weer vir president

Robert Mugabe. Foto: AP Photo/Tsvangirayi Mukwazhi

Robert Mugabe. Foto: AP Photo/Tsvangirayi Mukwazhi

Zimbabwe se 92-jarige president Robert Mugabe is bevestig as sy party se enigste kandidaat vir die verkiesing in 2018.

Die regerende Zanu-PF het by ʼn saamtrek in Masvingo die besluit aangekondig, onder luide toejuiging van ondersteuners. “Ons almal kyk rolprente. Hulle eindig net wanneer die akteur doodgaan. So die president moet aan die stuur bly tot hy doodgaan. Hy is ons kandidaat vir 2018,” het Kudzai Chipanga, jeugleier, gesê.

Die aankondiging kom te midde van toenemende protesoptogte teen Mugabe se 36 jaar lange bewind. Mugabe het tydens die saamtrek ʼn toespraak van 40 minute gelewer en hy was duidelik uitgeput.

“Ons het ooreengekom dat daar geen konflik en binnegevegte moet wees nie. Dissipline, dissipline, dissipline. Diegene in leierskapposisies moet gerespekteer word.”

Mugabe se kritici beskuldig hom van menseregteskendings en sê hy het die land se ekonomie gekelder. Meer as 80% van Zimbabwe se werksmag is volgens berigte werkloos.

Teenregering-protesaksies het die afgelope paar maande toegeneem. Dit is ook veral die polisie se ystervuis-optrede teen die betogers wat kommer wek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Simon

Gedink SA sal so iets vryspring?

Wag maar !!

Zuma, Julius en in die jongste tyd ook Hlaudi staan elkeen op sy eie plekkie en wag vir die geleentheid wanneer dit hom voordoen om totale mag oor die land oor te neem.

Harrie

Dan het ek nie simpatie met die mense nie.Dan het hulle nog nie swaar genoeg gekry nie.

Lance

Kry maar vir julle nog n ronte ….julle verdien hom 100 x oor

Jan maak n Plan

Al stem niemand nie sal Mugabe nog steeds met n vreeslike meerderheid wen.

Arnold

Hulle kom mos net Suid Afrika toe as dit nog swaarder gaan en Mugabe gaan Singapore toe vir medise handeling.