Naakposering kry skuld vir aardbewing

Die foto word op sosiale media versprei en wys glo die groep toeriste waar hulle besig is om hulle klere uit te trek.

Die foto word op sosiale media versprei en wys glo die groep toeriste waar hulle besig is om hulle klere uit te trek.

Vyf van die tien mense wat hulle op ’n berg in Borneo in Maleisië kaal uitgetrek en vir foto’s geposeer het, is geëien en sal nie toegelaat word om Maleisië te verlaat nie tot hul regsaak afgehandel is.

Hulle is twee Kanadese, twee Nederlanders en ’n Duitser. Ongeveer tien dae ná die voorval het ’n aardbewing van 6 op die momentmagnitudeskaal voorgekom, en ’n stuk van berg Kinabalu se kruin ineen laat stort. Dié berg word deur die plaaslike bevolking as heilig beskou. Dit is ʼn Unesco-bewaringsgebied.

Die aardbewing het reeds minstens 16 mense se lewe geëis. Nog mense word vermis. Enorme skade is aan infrastruktuur aangerig.

Sommige Maleisiese amptenare meen “daar is ’n groot kans” dat die aardbewing die gevolg was van die naakposering. Die foto’s het enkele dae voor die aardbewing op die sosiale media die ronde begin doen.

MailOnline,  The Malaysia MailOnline

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Neil

Het hulle iets anders gedoen nadat hulle naak was dat die berg kon skud? Maar met nuwe tegnieke van die jongklomp weet ‘n mens nie! As Jan van der Hunk Tafelberg onder rook kon toemaak met sy pyprook kan 10 mense seer sekerlik ‘n berg laat skud?

pop

Aardskuddend wat onder daai klere te voorskyn gekom het.

Hendrik

Ek hoop nie hulle kry die “chop” nie.

Pieter dP

Wys jou hoe siek is die mense van beide kante is. Die aardbol is n groot lewenduge gesteente wat hom self skyf en ruk. Geen mens wie ook al kan dit verander nie. Al loop hul kaal om die aarde kan hulle geen haar af maak nie. Los die bygelowe en leef in liefde en harmonie saam.

Piet Pompies

Ek hoor dit ruk en rol so lekker op Sandy bay, maar geen aarbewings…..die mense ken seker hul perke….