Navorsingstudie: ‘Sê totsiens vir matige weer’

klimaatsverandering

Foto: indy100.com

Klimaatsverandering word gewoonlik geassosieer met uitsonderlike weerverskynsels soos vloede, droogtetoestande en orkane. Nou meen wetenskaplikes egter klimaatsverandering gaan ook dit wat bekend is as matige weer hewig beïnvloed.

ʼn Studie wat deur navorsers aan die Princeton-universiteit in die VSA gepubliseer is, dui daarop dat dié verandering binne die volgende honderd jaar gaan plaasvind. Temperature tussen 17 en 20 °C word as matige weer beskou en sal al hoe minder ervaar word in streke waar dié soort klimaat algemeen is.

Waar ʼn mens vanjaar byvoorbeeld 89 matige sal dae ervaar, sal dit in 2100 afneem tot 78 matige dae. Volgens die navorsers gaan die verandering binne die volgende 20 jaar op sy vinnigste plaasvind. Volgens die studie vind dié verandering plaas as gevolg van kweekhuisgasse.

Navorsers voorspel ʼn wêreldwye verlies van vier of vyf matige dae per jaar teen 2035. Hierdie verandering affekteer nie net die temperatuur nie, maar hou ook gevolge in vir vervoer, konstruksie en landbou.

Verskillende dele van die wêreld sal verskillend geraak word en dit wil voorkom asof streke soos Europa en Brittanje, waar lae temperature algemeen is, méér matige dae sal ervaar.

Meegaande kaart dui aan watter lande die ergste geraak sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
AL

Afrika lyk omtrent aan die brand met daardie voorstelling

Alida

SA is in elk geval letterlik aan die brand met al die onluste.

Paul

Komaan!

“Groenhuis”?

Dis nie ‘n Afrikaanse woord nie.

Piet Pompies

Wat ‘n ramp….ek trek sommer Mars toe….skoonma en al.

m

Mens kom dit alklaar agter. My struike ruip nie eers mee dood in die winter nie. Kan nie onthou watter jaar laas ek n jas in die winter gedra het nie. Dit le net en oud word in die kas. Nee kyk ons is in vir probleme met hierdie weer.