Nederlandse weermag wil Suid-Afrikaners werf

(Argieffoto)

Die Nederlandse weermag ervaar tans ’n groot personeeltekort en beoog om meer mense uit die buiteland en in die besonder mense van Suid-Afrika aan te stel.

Die Nederlandse koalisie vir veiligheid wat bestaan uit Nederlandse vakbonde en organisasies in die veiligheidsektor, het vandag ’n brief aan die parlement gerig om aandag te gee aan dié kwessie.

Die Nederlandse mediaplatform RTL Nieuws berig die Nederlandse politieke party Democrats 66 het reeds verlede maand die voorstel gemaak om mense in Europa as soldate vir die Nederlandse weermag te werf. Dit is egter nog nie wettiglik moontlik nie omdat iemand van Nederlandse afkoms moet wees om as soldaat in die Nederlandse weermag te kan dien.

Die Nederlandse departement van verdediging het die huis van verteenwoordigers in die parlement versoek om die aanstelling van mense binne die Europese Unie te oorweeg. Die departement se hooffokus is om meer vroue aan te stel.

Luidens die berig in RTL Nieuws meen die koalisie hulle gaan sukkel om ekstra personeel uit Europa aan te stel omdat die ander Europese lande ook ’n personeeltekort ervaar. “Dit gaan beter wees om te fokus op lande buite die Europese Unie, soos Suid-Afrika, Suriname en Aruba, wat reeds aan Nederland gekoppel is,” lui die berig.

Europese lande soos Brittanje, België en Frankryk neem wel buitelanders as soldate in diens.

Volgens Marc de Natris, voorsitter van een van die veiligheidsorganisasies, gaan die Nederlandse veiligheidsektor in die komende jare tienduisende personeellede benodig. “Die afdeling van verdediging kort jaarliks 3 500 tot 4 000 jong mense. Daar is reeds 9 000 vakatures wat gevul moet word,” sê Natris.

Altesaam 1 500 Suid-Afrikaanse kandidate het reeds hul belangstelling op sosiale media aangedui.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

57 Kommentare

jongste oudste gewildste
Theoman

Nederland hiers sowat 40miljoen ouens wat julle met plesier kan kry, die heel beste soldaate, asseblief kom haal hulle.

Kies mooi

Maak tog seker dat julle nie op die einde met dieselfde probleme as ons sit nie. En ou Theo kan hier bly saam sy 40m. Die res van ons sal met graagte by julle wil aansluit.

ap

Ja asseblief kom haal hulle , julle sal nooit weer probleme he nie , en hou hulle daar , goeie leiers ook as julle belangstel …

Jacques

Het ek R5 – R5 -R5 vir die eertste maal , R5 vir die tweede maal – bot toe geslaan op jou . Jy bly net waar jy is vir R5 ….. LOL

JohanR

Wat is verkeerd met julle Nederland? Is julle mal!