Net enkele dae oudste persoon ter wêreld

Getrude Weaver. Foto: Danny Johnston/AP

Getrude Weaver. Foto: Danny Johnston/AP

Gertrude Weaver (116) van Amerika wat op 1 April vanjaar die oudste persoon ter wêreld geword het, is in ’n versorgingsoord in Camden, Arkansas, oorlede.

Sy het die kroon as oudste persoon oorgeneem toe Misao Okawa (117) van Japan onlangs oorlede is. Lees meer hier.

Weaver was blykbaar heel bewus van haar nuwe status, en het haar hoë ouderdom aan haar vriendelikheid en die feit dat sy feitlik haar lewe lank vir haarself moes kook toegeskryf. Sy het ook te kenne gegee dat sy graag pres. Barack Obama op haar 117de verjaardag sou wou ontmoet.

Die persoon wat nou die oudste ter wêreld is, is ook ’n Amerikaner. Jeralean Talley (115) van Detroit is op 23 Mei 1899 gebore. Sy sal heel moontlik die laaste persoon wees wat die titel van oudste persoon dra, en terselfdertyd in drie verskillende eeue én twee millennia geleef het.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae