Nieu-Seeland verbied dié wapens na aanvalle

Eerste minister Jacinda Ardern. Foto: Kyodo News via AP

Nieu-Seeland se eerste minister het Donderdag aangekondig dat die land ʼn verbod gaan plaas op militêre semi-outomatiese vuurwapens en aanvalsgewere.

Eerste minister Jacinda Ardern het aangekondig dat daar met onmiddellike inwerkingtreding ʼn verbod op die koop van dié wapens is ten einde te keer dat dit opgaar waarna ʼn algehele verbod sal volg.

Volgens Ardern sal ʼn terugkoopskema ook van stapel gestuur word en kan dié vuurwapens nou onder ʼn amnestietydperk ingehandig word. Die stap kan Nieu-Seeland tot $140 miljoen kos.

Daar is nagenoeg 250 000 geregistreerde vuurwapeneienaars in Nieu-Seeland wat ʼn bevolking van vyf miljoen mense het. Daar is na raming sowat 1,5 miljoen vuurwapens in die land.

Ardern se aankondiging kom kort nadat die owerhede bekendgemaak het dat al 50 slagoffers wat dood is in die terreuraanval op 15 Maart op twee moskees in Christchurch, formeel uitgeken is.

Foto: AP Photo/Mark Baker

Die Australiër Brenton Harrison Tarrant is deur die polisie in hegtenis geneem in verband met die voorval. Die polisie het sy motor van die pad af gedruk terwyl hy glo na ʼn derde teiken op pad was. Tarrant het die aanval regstreeks op Facebook uitgesaai. Hy moet weer op 5 April in die hof verskyn.

Afskrifte van die ontstellende 17 minuut lange regstreekse video is ure lank ná die aanval aanlyn gesirkuleer.

Die regstreekse video wys ʼn man in kamoefleer- en swart klere wat na die Al Noor-moskee in Christchurch ry. Daar speel Serwiese musiek in die motor en verskeie outomatiese gewere kan op die passasiersitplek gesien word. Op een van die gewere staan ʼn naam, “Ebba Akerlund”, geskryf, ʼn 11-jarige meisie wat in 2017 tydens ʼn terreuraanval in Swede gesterf het.

Die man betree die moskee en ná hy minstens 24 mans in die gebou geskiet het, skiet hy minstens twee persone in die straat. Die video is verfilm in die styl van ʼn eerste-persoon-skieter-videospeletjie.

Hy keer terug na die motor om nog wapens te gaan haal en keer dan na die moskee terug. Die video eindig waar hy van die misdaadtoneel wegjaag en uit die venster van sy motor nog ʼn paar skote afvuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
Andreas

Hoe voorspelbaar. Die NZ president het tot ‘n hijab gedra. Dis baie sleg wat gebeur het, maar die reaksie op dit laat mens wonder.

gatiep

Dit weet ek al net na die skietery dat dit sal kom.
Ken die global outjies al.

Annie Webb

Só voorspelbaar. Waar was die linkse media die afgelope jare in Europa terwyl radikale Islamiete terreur pleeg met messe, Europese en Britse meisies verkrag, en met voertuie in skares by Kersmarkte injaag? Is messe en voertuie verbied? Is radikale Islam veroordeel?

Hoc est bellum

If guns are outlawed, only outlaws will have guns.

Donderstorm

En die skieter wys nogals in sy hof foto n 666 teken laat mens wonder.