Nobelprys vir Ekonomie toegeken

Jean Tirole Foto: Studio Tchiz via nobelprize.org

Jean Tirole Foto: Studio Tchiz via nobelprize.org

Die Franse ekonoom, Jean Tirole het Maandag die Nobelprys vir Ekonomie ontvang.

Die Royal Swedish Academy of Sciences het Tirole vereer omdat hy die begrip “hoe om bedrywighede met ʼn paar kragtige firmas te verstaan en te reguleer”, uiteengesit het.

Tirole (61) werk by die Toulouse School of Economics in Frankryk. “Hy het al sedert die middel 1980’s nuwe lewe geblaas in navorsing oor mislukkings in die mark,” het die akademie gesê. Sy werk hou ook verband met die manier waarop regerings samesmeltings hanteer en hoe hulle monopolieë moet reguleer.

Hy sal sy prysgeld van agt miljoen Sweedse krone (ongeveer R12.4 miljoen) op 10 Desember tydens ʼn toekenningsgeleentheid ontvang.

Klik hier om meer te lees oor Tirole.

Klik hier om alle vorige berigte oor die Nobelprys op Maroela Media te lees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Pietsnot ·

“Royal Swedish Academy of Sciences”: Komaan Maroela, julle kan beter.
Geen rede om dit nie te vertaal na die “Koninklike Sweedse Akademie vir Wetenskap”, of so-iets, nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.