ʼn Aardbewing wat 4.8 op die momentmagnitudeskaal gemeet het, het Yellowstone Nasionale Park in Amerika Sondag getref.
Die Universiteit van Utah se seismografiese stasie het berig die aardbewing het om 06:34 ongeveer 6.4 km noord-noordoos van die Norris Geyser Basin plaasgevind. Die universiteit berig dit is ook in West Yellowstone en Gardiner, Montana, gevoel.
Daar is nog nie enige skade aangemeld nie. Daar is hierdie tyd van die jaar slegs ʼn paar besoekers in die park.
Die afstand tussen Los Angeles, wat oor die naweek deur twee aardbewings getref is, en Yellowstone Nasionale Park is ongeveer 1 620 km. -SAPA
Lees ook:
Naskok tref Los Angeles
Aardbewing skud Los Angeles
