Noodlottige skietery in België

Foto: Associated Press

Minstens vier persone isDinsdag dood tydens ‘n skietery in België.

Michel Firket, van die Liege-stadsraad, het aan die Associated Press gesê buiten die aanvaller, wat ook doodgeskiet is, is twee polisiebeamptes en ‘n verbyganger oorlede. Minstens twee persone is beseer.

Die openbare uitsaaier RTBF het gesê die skietery het Dinsdag naby ‘n kafee in Boulevard d’Avroy, Liege, plaasgevind.

Die skieter het van die toneel gevlug maar is later “geneutraliseer”, het RTBF berig en die polisie en brandweer as bronne aangehaal.

In ‘n video wat op Twitter gepubliseer is deur ‘n persoon wat glo ‘n ooggetuie was, kan ses skote gehoor word.

Die polisie en weermag in België is op hoë gereedheid sedert selfmoordbomaanvallers in 2016 altesaam 32 mense se dood veroorsaak het by die lughawe en ondergrondse treinstelsel in die land.

‘n Beampte van die Belgiese federale vervolger het aan AP gesê “daar is tekens” dat die skietery ‘n terreuraanval was. Die beampte wou anoniem bly, omdat hy nie gemagtig is om met die media te praat nie.

‘n Beampte van die krisisbeheersentrum het bevestig die gebied is beveilig.

Die Franse president Emmanuel Macron en Britse eerste minister Theresa May het hul simpatie betoon met België.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Ampie

Die enigste vraag behoort te wees: is die skieter ‘n Moslem en het hy iets oor “Allah” geskreeu tydens die aanval? Maar die polities korrekte Europeers sal eerder doodgaan voordat hul dit sal erken.

Veritas

Vier doodgeskiet en dit haal die internasionale pers. Hier in sonnige SA, word dit gesien as ‘n oefenlopie.

PJC

Die toelating van duisende onwettige moslem immigrante deur Europa gaan nog lelik in hulle gesigte ontplof. Hierdie aanvalle is simptome wat daarop dui dat iets aan die broei is.

thinus

Ja hoe lank sal Europa en ander lande neem om te erken dat terreur of terrorisme van die ANC in die ou RSA, presies dieselfde is as wat hulle nou self ervaar, nl: die afskuwelike kriminele dade teen onskuldige burgery, van lafhartige groepe wat nie ‘n gewapende stryd teen die weermagte kan of wil voer nie, en niks meer as ‘n valse bevrydingstryd is?
Hulle het dit gesteun, geld gegee en goed gepraat – tot nou toe. TERRORISME in RSA was goed in hul oe!

Dude

Cultural enrichment……