Noord-Korea se kerntoets veroordeel

Kim Jong-un, leier van Noord-Korea

Kim Jong-un, leier van Noord-Korea

Verskeie lande, waaronder Japan, Suid-Korea, Brittanje en die VSA het Noord-Korea skerp veroordeel vir die toets van ’n waterstofbom in die noordooste van die land.

Die ontploffing het ’n aardbewing van 5,1 op die momentmagnitudeskaal gemeet. Verskeie media het verkeerdelik berig dat dit ’n sterkte van 5,1 op die Richterskaal opgelewer het, maar die Amerikaanse USGS wat dit gemeet het, gebruik nie die Richterskaal nie.

Japan beskou die toets as “onaanvaarbaar” en Brittanje wys daarop dat dit ’n skending van verskeie VN-resolusies behels. Die VSA het die toets veroordeel en ’n beroep op Noord-Korea gedoen om te hou by internasionale ooreenkomste. Frankryk het ’n beroep op die internasionale gemeenskap gedoen om sterk standpunt in te neem.
Suid-Korea dreig met sanksies.

Bronne: Trouw, USGS

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Johan 2 ·

Hoeveel toetse het die VSA, VK en Frankryk uitgevoer, 100de!

Loeis ·

Met kernwapens! Mens kan nie Noord-Korea se militarisme goedpraat nie maar daardie lande is in geen posisie om ‘n vinger te wys nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.