Obama se Mandela-twiet nou gewildste

Obama se inskrywing op Twitter (Foto: Twitter)

ʼn Twiet van die voormalige Amerikaanse president Barack Obama waarin hy rassisme veroordeel deur middel van ʼn aanhaling van oudpres. Nelson Mandela, is nou die mees gewilde twiet op dié sosialemediaplatform.

Obama het hom op 13 Augustus tot Twitter gewend om hom uit te spreek teen die geweld wat tydens die Charlottesville-betoging uitgebreek het.

“Niemand word gebore om ʼn ander persoon te haat as gevolg van die kleur van hul vel, sy agtergrond of sy geloof nie,” lui sy inskrywing.

Meer as drie miljoen mense het dié inskrywing ge-“like” en sowat 1, 2 miljoen ander het dit hertwiet.

Dié woorde is eerste deur Nelson Mandela gesê in sy outobiografie Long Walk to Freedom.

Betogers, lede van republikeinse party, het die afgelope naweek opgeruk na Charlottesville om te betoog teen die verwydering van ʼn standbeeld van genl. Robert E. Lee – ʼn Amerikaanse bevelvoerder wat Noord Virginia se weermag in die Amerikaanse burgeroorlog in 1862 gelei het.

Dié groep betogers het hulle vasgeloop teen ʼn ander groep betogers wat teen dié einste groep betoog het. Die betogers is geteiken deur ʼn man wat met sy motor in die groepe ingery het. Die burgerregte-aktivis Heather Heyer is in die voorval oorlede en talle ander is beseer.

Ses uit tien van die gewildste twiets nóg op Twitter is dié van Obama. Die tweede gewildste twiet is die Amerikaanse sangeres Ariana Grande se inskrywing nadat talle dood en beseer is tydens haar konsert in Manchester vroeër vanjaar. Haar eenvoudige inskrywing het gelui: “Gebroke. Uit die diepte van my hart, ek is so jammer. Ek het nie woorde nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
BAREND

kom woon in suid afrika binne 24 uur sal jy jou opinie verander glo my

Vra maar net

Vir my gaan dit oor dit maak nie saak waar in die wereld jy bly nie jy het nie nodig om enige iemand te haat nie. En dit is waar wat hy en Mandela se Niemand word gebore om ʼn ander persoon te haat as gevolg van die kleur van hul vel, sy agtergrond of sy geloof nie, mense word geleer om mekaar te haat wat verkeerd is. Ons is almal God se skepping nie net wit of nie net swart nie maar almal vergewe 7×70 keer n dag.

Alfabeet

Niemand word ook gebore met geletterdheid of beskaafde maniere nie. Jy moet dit ook maar aanleer.

Ada

Jy is reg Barend, die man weet nie waarvan hy praat nie. Hy woon in ‘n veilige plek met sekuriteit en is totaal onbewus van wat in die werklike lewe aangaan, Probeer hy nou “fame” kry wonder ek?

Pieter

Alfabeet +1 Uitstekend. Wie onthou nog “Yes we can.”