Olifant vertrap Zim-jagter

Ian Gibson Foto: Chifuti Safaris

Ian Gibson Foto: Chifuti Safaris

Ian Gibson, ʼn professionele jagter van Zimbabwe, is in die noorde van dié land dood toe ʼn olifantbul hom vertrap het, het sy maatskappy Donderdag gesê.

Gibson en ʼn kliënt was Woensdag besig om die olifant in Chewore North, in die laer Zambesi-vallei te volg, het Chifuti Safaris in ʼn verklaring op die webwerf africahunting.com gesê.

Hulle het die olifant reeds vyf ure lank gevolg en het besluit om stil te hou sodat die kliënt kon rus. “Ian en sy spoorsnyer Robert het gevoel hulle is naby die olifant, en het steeds die spoor bly volg in die hoop om goed te kan sien hoe die ivoor lyk,” het Tim en Dave van Chifuti Safaris gesê. Die kliënt het saam met ʼn spoorsnyer agtergebly. Robert het aangedui dat die olifant bronstig is. “Hulle het uiteindelik die bul op ʼn afstand van tussen 50 meter en 100 meter raakgesien. Die bul het omgedraai en op hulle afgestorm. Ian en Robert het begin skree om die stormloop te keer en Ian kon een skoot vuur voor die bul hom vertrap het. Die toneel was baie grafies.”

Tim en Dave het gesê Gibson was “ʼn baie goeie ou” en “een van die mees ervare professionele jagters op die Afrika-kontinent”.

Medejagters het ook hul medelye uitgespreek op jaggemeenskapswebwerwe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Marius Fourie

Rus In Vrede Ian Gibson. Mag die familie vrede ondervind in hierdie moeilike tyd van rou.

Dirk

Ons is baie jammer.
Maar wat laat ‘n mens in die eerste plek diere skiet?

Tammy

Moenie diere doodmaak nie. Mense het reeds hulle gebied erg verklein vir ontwikkeling en boerdery. Die natuur sal hulle self minder maak. Geen simpatie.

Zelda Oberholster

Dis so verligting as die Diere ook soms wen! Ye vir die wonderlike OLIFANT! Grootwildjagters is ‘n ‘siek ras’ wat die mensdom sonder kan doen!!

Moeggepraat

Ek kan ongelukkig nie jou dade goedpraat nie, jammer!