‘Ons kort veilige hawe,’ pleit skip met 800 migrante

Die Sea Watch 4-reddingskip wat verlede jaar 350 migrante gered en na Sisilië, Italië gebring het. (Foto: AFP / Thomas Lohnes)

ʼn NGO-skip met 800 migrante aan boord het vandeesweek by Italië gepleit om Vrydag aan hulle ʼn veilige hawe te bied.

Die skip poog om die Middellandse See oor te steek en het sy noodkreet op pad na die eiland Sisilië uitgestuur.

“In net 48 uur het ons bemanning meer as 800 mense gered. Onder die oorlewendes is kinders, swanger vroue en beseerde mense,” het die Duitse skip, Sea-Eye, getwiet.

“Vir almal se onthalwe moet die buitengewone situasie aan boord onmiddellik beëindig word. Ons het ’n veilige hawe nodig!”

Dit is nie in dié stadium duidelik waar die skip die migrante gered het nie. AFP berig egter dat meeste migrante uit Tunisië en Libië vlug.

Luciana Lamorgese, Italiaanse minister van binnelandse sake, het intussen die hulp van die Europese Unie ingeroep en gesê dis “onregverdig dat Italië alle nuwe aankomelinge moet huisves”.

Italië is een van die hoof toegangspunte tot Europa vir migrante uit Noord-Afrika, hoofsaaklik uit Libië en Tunisië, met tienduisende mense wat elke jaar die sentrale Middellandse See wil oorsteek.

Volgens statistieke van die ministerie van binnelandse sake het byna 55 000 migrante Italië vanjaar binnegekom, vergeleke met net minder as 30 000 verlede jaar.

Lamorgese het Donderdag met Didier Renders, die Europese justisiekommissaris, in Rome oor die jongste situasie vergader.

Sy meen dis onregverdig dat Italië elke keer migrante moet huisves, veral in die nadraai van die Covid-19-pandemie.

“Ons het sterk solidariteit van Europa nodig vir die herverdeling van migrante wat in Italië aanland,” het Lamorgese gesê.

Volgens Matteo Villa van die Italiaanse instituut vir internasionale politieke studies (ISPI) word migrante van Libië en Tunisië, maar ook Turkye, Griekeland en Albanië weens die Covid-19-pandemie, ekonomiese resessies en politieke onstabiliteit uit hul lande gedryf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Nicolaas Hendrik

Tot hulle by n veilge hawe kom, dan is dit nie meer n veilige hawe nie

Plaaskind

Deesdae wil almal maak nes hulle wil – gaan terug waarvandaan julle kom.

annie

Twak. Duisende migrante vertel dieselfde storie. Italië se stede is ‘n warboel van mense en telkens sê die Pous met skaars 800 inwoners in sy eie staatjie, die Italianers moet nie lelik wees nie. Die EU gebruik haar mag om die martelaars her en der te pos na armer lidlande. Die V$A sit met dieselfde probleem. Ons land het onlangs geweier om van die vlugtelinge uit Afghanistan te neem omdat ons reeds oorloop van uitlanders uit Afrika.

Johan

Julle sal dit berou tot aan die einde van julle geslagte as julle daardie klomp daar laat afklim.

Jenny

Nee soek maar Ander hawe