Ooreenkoms keer ‘Grexit’ vir nou

Alexis Tsipras. Foto: Facebook

Alexis Tsipras. Foto: Facebook

Die Europese onderhandelaars wat ’n ooreenkoms probeer bereik het om Griekeland se ekonomie te beredder, het pas laat weet dat ’n eenparige ooreenkoms wel met die Griekse regering bereik is.

Die Griekse regering het egter net drie dae tyd om die ooreenkoms, wat verskeie koersaanpassings insluit, deur die Griekse parlement te voer. Dit is onseker of dit wel weens verwagte teenstand moontlik sal wees.

Die pakket behels hulp ter waarde van tussen €82 en 86 miljard oor drie jaar aan Griekeland en sal ’n “Grexit”, Griekeland se uittrede uit die eurogebied, voorkom.

Die Grieke, op hul beurt, moet ’n fonds tot stand bring waarin die opbrengs van die verkoop van staatsbates gestort word, en waarmee die bestaande skuldlas verlig kan word. Griekeland moet ook dadelik BTW verhoog en pensioenhervormings toepas.

Die ooreenkoms is ná meer as 30 uur se onderhandelinge bereik.

Griekeland se eerste minister, Alexis Tsipras, het vroeër aangedui dat sy regering reeds ver afgewyk het van die beloftes aan die kiesers waardeur dit aan bewind gekom het.

Bronne: De Standaard, Trouw

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

1 Kommentaar

jongste oudste gewildste
Bruno Stef

Griekeland se kommuniste en loodswaaiers staan nou al vir n derde keer bakhand nader om met ander lande in Euro sone se swaar verdiende geld te ontvang. Asdit nie n duidelike boodskap aan die laasgenoemde stuur dat hulle gaan afvee aan SG ooreenkomste nie le die groot ontnugtering nog voor.Mens wonder net hoe die kommuniste verder vorentoe in SA die land en sy bronne gaan doodbloei.