Oproermakers gebruik blokkiesraaisels vir boodskappe

blokraaiselDelcy Rodriguez, Venezuela se minister van inligting, het deur Twitter ‘n koerant in die nywerheidsdorp, Maracay, daarvan beskuldig dat dit verskuilde subversiewe boodskappe deur blokkiesraaisels na die opstandelinge stuur.

Minstens 35 mense het al in die onluste omgekom wat sedert November verlede jaar in Venezuela voorkom. In Maracay het nog net een persoon gesterf. Rodriguez het aangekondig dat die manier om die ondermynende boodskappe te versprei, ondersoek gaan word.

Dit is nie nuut vir die sosialistiese regering wat reeds byna met alle onafhanklike media klaargespeel het, om blokkiesraaisels van subversiewe metodes te beskuldig nie. In 2012 is die land se grootste nasionale koerant, Ultimas Noticias, daarvan beskuldig dat dit subversiewe boodskappe plant om die destydse president, Hugo Chavez, te vermoor. Chavez is ‘n jaar later aan kanker oorlede.

Bron: Bloomberg News

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae