Oud-premier van Israel skuldig aan omkopery

Olmert (links). Foto: Reuters

Olmert (links). Foto: Reuters

Ehud Olmert (68) wat van April 2006 tot Maart 2009 premier van Israel was, is Maandag skuldig bevind aan omkopery.

Tien ander beskuldigdes, waaronder ‘n oud-burgemeester van Jerusalem, is ook skuldig bevind oor korrupsie wat uit ‘n ontwikkelingsprojek in Jerusalem voortgespruit het. Olmert en sy medebeskuldigdes sal later gevonnis word.

Olmert is in 2012 ook weens korrupsie skuldig bevind. Hy het ‘n familielid in ‘n aanstellingsproses bevoordeel. Met daardie hofsaak kon die staat nie bewys dat hy omkoopgeld in ‘n koevertjie ontvang het nie. Hy is ‘n opgeskorte tronkstraf van ‘n jaar en ‘n boete opgelê.

Bron: ANP en AP, soos bewerk deur Trouw.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae