Oudste vrou ter wêreld vier verjaardag

Emma Morano (Antonino Di Marco/ANSA via AP)

Emma Morano (Antonino Di Marco/ANSA via AP)

Emma Morano, die oudste mens ter wêreld, vier Dinsdag haar 117de verjaardag.

Morano, van Pallanza in die noordweste van Italië, is volgens rekords die enigste lewende mens wie se leeftydperk oor drie eeue, die 19e-, 20ste en 21ste eeu, strek.

Sy is gesond en pas weer op die been ná ʼn kort siekbed.

Die plaaslike munisipaliteit van Pallanza het ʼn verhoogproduksie, wat haar lewe vier, op die planke gebring en ʼn boek wat handel oor haar lewe aan haar geskenk.

Die president van Italië, Sergio Mattarella, het haar ook in ʼn openbare verskyning met haar verjaardag geluk gewens.

Morano is glo die oudste van agt kinders. Sy was volgens nuusberigte met ʼn gewelddadige man getroud van wie sy etlike jare later geskei het. Hul enigste kind is ses maande ná geboorte oorlede.

Wat is haar geheim? Drie eiers ʼn dag en niks minder nie, het sy vroeër vanjaar aan plaaslike media gesê.

Volgens die Gerontology-navorsingsgroep, het slegs 45 vroue en twee mans die ouderdom van 117 gehaal. Die tweede-oudste mens in die wêreld is die Jamaikaanse vrou, Violet Brow, wat vanjaar 116 geword het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Grotman

Kan iemand asb haar adres na die hemel op bid want ek dink hulle het van haar vergeet.

PJ

Lekker lag ek nou!!!

liza

Liewe genade dit is ‘n prestasie maar o wee my 117 jaar oud te word in hierdie deurmekaar lewe, ek sal ook al lankal soos grotman se my adres gegee het…..

liza

Sjoe dit is ‘n mylpaal in ‘n ou se lewe, maar nee om 117 jaar oud te word in hierdie deurmekaar wereld, nee wat ek sou ook al lankal my adres gegee het soos grotman se…..

katryn

My Ouma is in 1916 gebore en word op 16 Maart 2017……….101 jaar oud! Leef in Randburg Sa so graag vir julle n foto van haar wou stuur v haar op haar 100 ste partydjie die Jaar!