Ouers swaar gestraf oor ‘gruwelhuis’

David Turpin. Foto: (Will Lester/The Orange County Register via AP, Pool)

Die egpaar van Kalifornië in die VSA wat 12 van hul kinders uitgehonger en vasgeketting het, is lewenslange tronkstraf opgelê.

Die polisie het in Januarie verlede jaar toegeslaan nadat ʼn 17-jarige meisie uit die huis in Perris, sowat 113 km van Los Angeles, uit die huis ontsnap het. Die egpaar het 13 kinders.

David Allen Turpin (58) en Louise Anna Turpin (50) mag eers nadat hulle 25 jaar tronkstraf uitgedien het om parool aansoek doen. Albei het in Februarie vanjaar op 14 aanklagte, insluitend marteling en wreedheid, skuldig gepleit.

Die egpaar het hul kinders gewurg en aan hul beddens vasgeketting, by tye maande lank. Die kinders het gebrekkige mediese behandeling ontvang; mag nie die badkamer gebruik het nie en mag net een keer per jaar gestort het.

Louise Turpin. Foto: (KABC-TV via AP, Pool)

Die egpaar se oudste seun en dogter het nou vir die eerste keer hul stilte gebreek. “Ek kan nie in woorde beskryf wat ons deurgemaak het terwyl ons grootgeword het nie,” het die 27-jarige man gesê. “Ek kry soms steeds nagmerries oor die dinge wat gebeur het, soos om te sien hoe my broers en susters vasgeketting is en geslaan word.”

Die egpaar se kinders is tussen twee en 30 jaar oud. “Ek is jammer oor alles wat ek gedoen het om [my] kinders seer te maak,” het hulle ma emosioneel gesê. “Ek is so lief vir my kinders.”

Die egpaar se oudste dogter, nou 30 jaar oud, het in haar getuienis gesê haar ouers het haar van haar hele lewe ontneem maar dat sy haar lewe nou teruggeneem het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Johanna Botha

Juis die wat die minste n kind moet het het 13 ! !

humor

Ek het nog nooit so iets in die dierewereld teegekom nie. Wanneer satan die beheer oorgeneem het dan is soortgelyke dade aan die orde.

Alida

As dit liefde is wonder mens wat is babarisme. Waaroor tjank sy nou. Het haar kinders se gehuil haar nie gepla oor die jare nie. Gelukkig in n eerste wereld kan hulle vergeet van borg.

?leser

mense in die lewe is siek, SIEK, verby, hulle moet nie eers na 25 jaar gevangenis vir parool kan aansoek doen nie, hulle moet so lank sit as wat hul lewe

Hennie

Nie eers wilde diere is so wreed nie! Hoop hulle word hard geslaan in die tronk, dat dit ‘n lewende hel sal wees vir hulle!