Sjokoladelikeur-lekkernye. Foto: http://www.freeimages.com/
Die ma van ʼn 11 jaar oue seun in Duitsland het haar skoonma by die polisie gaan aankla ná sy vir haar kleinseun sjokoladelikeur-lekkernye vir Kersfees gegee het.
Dié tipe lekkernye is ʼn baie gewilde geskenk onder baie families in Duitsland oor Kersfees.
Plaaslike owerhede het Dinsdagoggend gesê die ma was “heeltemal histeries” van woede toe sy polisielede in die suidelike staat van Duitsland, Bavaria, vertel het van die geskenk wat alkohol bevat.
Die polisie het die vrou se skoonma, ʼn 67-jarige vrou, gebel en die saak gesluit ná die vrou erken het dat dit nie reg was om dit vir ʼn 11-jarige te gee nie en ʼn waarskuwing van die polisie ontvang het.
Die 11 jaar oue seun het glo ʼn stukkie van die sjokolade geproe, maar dit nie geëet nie.
Belaglik verby deur die ma.Sy is op dieselfde vlak as die Amerikaners wat mekaar hof toe sleep as jy te hard asemhaal.
sorry maar ek glo nie die storie nie, die polisie sal hulle nie aan sulke twak steur nie! deutschland hat ander probleme as histeriese vroue!
Klink soos ‘n lang vete wat nou tot uitbarsting gekom het! Duidelik hou die ma nie van die arme ouma nie.
Weer ‘n skoonma-storie?
Ek wonder hoeveel oktaan daardie lekkers was!
Dit is nie baie mooi nie om vuil wasgoed in die openbaar te was. Sekerlik kon dit op ‘n ander manier besleg word.
Skoonma is dalk van die wat net nie wou luister nie . Miskien die tipe soos in Sneeuwytjie . Wat van ” Hy moet een of ander tyd leer drink ,jy kan hom nie vir altyd weghou van sulke goed nie” Of “Jy moenie jou kind “oorbeskerm” nie” Of miskien wou die ou siel hom later ruil vir n speelding en die tjokkies is eintlik vir haarself .
Ai tog! Eet dit dan self. Kan nie sien hoekom die polisie ingeroep is nie.
Tog duidelik waaroor dit eintlik gaan – skoonma
Die ma het duidelik verantwoordelik opgetree. Die manier van optree is debateerbaar. Miskien was dit nodig om n duidelike boodskap te gee aan n ouma wat herhaaldelik oortree. Wereldwyd is alkoholgebruik deur kinders en jongmense n groot bekommernis. Die ouma is n volwassene en behoort verantwoordelikheid vir haar dade te neem. Gelukkig kon die ma hierdie keer intree en haar jong kind beskerm. Sy is n moeder so na my hart!
Esther, my kleinkinders eet van baie jonk al likeur-sjokolade en nie een van hulle is alkohol liefhebbers nie…hulle is 24 en 20 jaar oud nou. Die likeur is in elk geval so min, mens proe dit skaars!
Esther, my kinders kom uit die Wynlande van die Kaap, so toegang tot alkohol was hul lewe lank maklik. Ek het hul daarom van die begin probeer leer om verantwoordelik daarmee om te gaan. My 13-jarige het van kleindag ‘n slukkie gekry as Pappa iets gebruik, en hy weet nou mens gebruik dit spaarsamig. My 15-jarige sit haar mond nie aan drank nie, en ek glo dit sal so bly as sy die dag gaan swot.
Ek erken geheelonthouding as ‘n metode, maar in ons geval het verantwoordelike blootstelling skynbaar gewerk.
By die tyd wat jy dit koop en eet het die alkohol inhoud al verslaan.
Ek kon nog nooit regkry om my in ‘n beswyming in te eet nie.
Wat gaan die ma se reaksie wees as sy uitvind op sy 18 de verjaarsdag hy is by die beerfest? Drankwinkels brandsteek? Shame.
Sy is seker op pille. My skoondogter het my met ‘n pak peanuts in die gesig gegooi. Sy kou pille soos smarties. Die peanuts was saam met die lekkergoed in die ruiker wat ek vir my kleindogter gestuur het met die eistedfod. Ek het vergeet van die kind se allergie. Nou word ek al glad vir ‘n kindermoordenaar uitgeskel as haar pille inskop.
Maroela, onthou tog die betrokke deelstaat heet op Afrikaans Beiere. “Bavaria” is ‘n bier (wat nie op die standaard van Beierse bier is nie).
Van bier gepraat. Duitse kinders mag al van 14 af wyn en bier drink onder toesig, van 16 af sonder toesig, en van 18 af sterker drank. Maar ek wonder tog of daar nie meer agter die storie steek nie. Sekere gelowe, wat deesdae aggressief veld wen in Duitsland, keur die gebruik van alkohol af. Alhoewel ek anderdag agtergekom het sekere voedselkleursel hier in SA bevat wel etanol (die wetenskaplike naam vir alkohol) maar het nog steeds die bepaalde geloof se goedkeuringsmerk op.
Dalk het die ouma nie eers besef dit is likeur nie. Ek sou maar te bly wees as skoonma dit vir my kind gekoop het want dan gaan EK lekker eet…
Ai tog…soveel donnerweer en niks reën nie sowaar. Die fet dat die ma “histeries van woede” is wys nie op ‘n “verantwoordelike ma” nie, maar dalk verkeerde breinbedrading om dit sakens te stel. Die kind het net ‘n stukkie afgebyt en nie verder geëet nie, seker sleg geproe – vir my as kind was dit ook vreksleg toe ek dit geproe het en ek is ook seker mens gaan nie dronk word op een choccie, of in die geval een stukkie nie. Ai, dat mens nou so kan wees en dit oor die feestyd wat mos tog familietyd is en mens verdraagsaam moet wees! Simpel verby.