Pont des Arts Foto: AlexVan, Pixabay
Die stadsraad in Parys, Frankryk, gaan die slotte wat toeriste op die Pont des Arts-brug vasgemaak het om hul ewige liefde te verklaar, verwyder.
Die stadsraad sal Maandag begin om die slotte te verwyder, berig die BBC.
Dit was ʼn tradisie van toeriste om ‘n slotjie, waarop voorletters uitgekrap is, aan die brug vas te maak voordat die sleutel in die Seinerivier gegooi word.
Van die plaaslike inwoners meen egter dié romantiese gebaar ontsier die stad. Die stadsraad sal die roosters uiteindelik met Plexiglas-panele vervang.
ʼn Gedeelte van die brug, met ʼn uitsig oor die Eiffeltoring, se heining het verlede jaar onder die gewig van die slotte begin meegee.
Pont des Arts Foto: Euronews
Nou-ja,dis ‘n veiligheidsbesluit; as ‘n deel van heining reeds begin omval het is dit nodig. Ek wonder in elk geval met die egskeidingsstatistieke deesdae, hoeveel van daardie kammige ewige liefdes is nog bymekaar. Dalk is ek sinies maar ek sien maar hoe dinge om my is…
In SA sal ons nooit so ‘n probleem hê. So vinnig soos die slotte aangesit word net so vinnig sou dit na die skrootwerwe verdwyn het.
Dink net al daardie geelkoper . . . jô jô jô . . . Eish !!!
Hahaha Peet NOU praat jy!
Ek kan nogal die prentjie sien. As ‘n mens kyk hoe word brugrelings weggedra na die skrotwerwe toe.
Miskien gemotiveer deur prokureurs wat hoop klomp egskeidings gaan daarop volg.