Parys-terreuraanvalle: Islamitiese Staat aanvaar verantwoordelikheid

Een van die tonele. Foto: AP/Thibault Camus

Een van die tonele. Foto: AP/Thibault Camus

Volgens berigte op verskeie wêreldwye mediaplatforms het die Islamitiese Staat (IS) in ʼn aanlyn-verklaring verantwoordelikheid aanvaar vir Vrydagaand se terreuraanvalle in Parys in Frankryk. Na berig word het die militantegroep se media-afdeling in ʼn video aanspreeklikheid aanvaar.

Intussen het Francois Hollande, Frankryk se president, die aanvalle as ʼn oorlogsdaad bestempel én ook die IS daarvoor blameer.

Hollande het reeds ʼn noodtoestand afgekondig ná die aanvalle, wat as die ergste in Frankryk sedert die Tweede Wêreldoorlog beskryf word. Hy het ook die land se grense gesluit en gesê die land gaan amptelik vir drie dae lank rou.

ʼn Reeks selfmoordbom- en vuurwapenaanvalle regoor die stad het onder meer sokkerondersteuners by Frankryk se nasionale stadion, jongmense wat by ʼn konsert was en mense by verskeie kuierplekke en restaurante,  geteiken.

Die ergste slagting was by die Bataclan-konsertsaal, waar ʼn Amerikaanse rockgroep opgetree het. Talle mense is gyselaar gehou, waarna die selfmoordbomaanvallers ploftoestelle aan hul gordels laat ontplof het. Die polisie wat op die voorval reageer het, is met ʼn bloedblad binne die saal begroet.

Volgens owerhede word die voorlopige dodetal tans op 128 geraam, met die moontlikheid dat dit gaan styg, met nagenoeg 100 mense wat kritiek beseer is.

Ten minste sewe van die aanvallers is in selfmoordbomontploffings dood en een is doodgeskiet. Owerhede ondersoek die moontlikheid dat nog verdagtes op vrye voet is en hulle is op soek na moontlike medepligtiges.

Intussen het Nelson Kgwete, woordvoerder van die departement van internasionale betrekkinge en samewerking, gesê ondersoek word nog ingestel of enige Suid-Afrikaners in die aanvalle gesterf het. Geen sterftes is sover aangemeld nie.

Hy het mense wat naasbestaandes in Parys het en nog nie van hulle gehoor het nie, versoek om die departement by 012 351 1000 te bel. Die departement is gedurig in verbinding met die ambassade in Frankryk en sal inligting en navrae deurstuur.

President Jacob Zuma het die aanvalle veroordeel en Suid-Afrika se medelye met Hollande en Frankryk betuig.

Klik hier vir foto’s en video’s van die aanvalle. WAARSKUWING: Die foto’s en video’s onderaan die berig is grafies van aard en kan sensitiewe kykers ontstel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Niel

Ek wonder wanneer veroordeel Zuma die sinnelose moorde veral plaasmoorde in SA, dis reg onder sy neus, maar hy swyg daaroor

Johan

Die huidige regime het seker VOOR sy medelye aan Franse, IS geluk gewens met hul voortgesette “styd” om “vryheid!

Koos

Eers maak die Franse die grense oop en nou wil hulle dit weer toemaak. Hulle is verward, wil hulle dit nou oop of toe hê? Jammer om te sê die trojaanse perd is reeds in. Miskien het Mnr Holland darem wigte en teenwigte in plek.

Peet

Daars 45 moorde per dag in Sa.
M.a.w. meer as 2/uur!
Dis minder as 3 dae se moorde in Sa…!
Dalk n goeigeleentheid dat ons Sa media die situasie gebruik en ons probleem wêreld wyd stuur.

Eliza-beth

Wat my nog altyd skok is dat terreurgroepe of mense “verantwoordelikheid aanvaar” vir moorde op grootskaal. So asof hul trots is op die dood van heelwat onskuldige mense. Mense wat niks aan hulle gedoen het. wie hul nie eers ken en ook nie oor en weer griewe teen het nie, maar nogtans is hul klaarblyklik trots op hul dade. Dit walg my dat diesulkes hulself “mense” kan noem. Dis nie wat die begip “mens” beteken nie. Dat hulle die moorde in die naam van hul geloof kan doen is nog erger. Hoe siek het die mensdom nie geword nie…