Pelosi skeur Trump se toespraak op

Nancy Pelosi skeur ‘n afskrif van pres. Donald Trump se toespraak op. (Foto: Alex Brandon, AP)

Nancy Pelosi, speaker in die Amerikaanse huis van verteenwoordigers, het ʼn afskrif van pres. Donald Trump se staatsrede opgeskeur – ten aanskoue van verskeie kameras.

Die staatsrede is Dinsdagaand (Amerikaanse tyd) regstreeks in die huis van verteenwoordigers uitgesaai, en teen die einde van die president se toespraak kan gesien word hoe Pelosi haar afskrif agter sy rug verskeie kere opskeur en eenkant plaas.

“Dit was die beleefde ding om te doen met inagneming van die alternatiewe,” het Pelosi later aan verslaggewers gesê.

Dit is duidelik dat die twee nie juis ooghare vir mekaar het nie. Trump het vroeër nie Pelosi se uitgestrekte hand geskud toe hy ’n afskrif van die toespraak aan haar oorhandig het nie. Trump het eerder doodluiters teruggedraai na die podium waar hy sy toespraak gelewer het.

Nancy Pelosi skeur ‘n afskrif van pres. Donald Trump se toespraak op. (Foto: Alex Brandon, AP)

Pelosi is een van Trump se felste kritici en was verlede jaar die eerste om te probeer dat hy in ’n staat van beskuldiging geplaas moet word. Trump het ook voorheen op sy beurt na Pelosi as “Crazy Nancy” verwys.

Die twee het sedert Oktober nog nie weer gepraat nadat Pelosi ’n vinger oor ’n konferensietafel in die Withuis na Trump gewys het, gesuggereer het dat hy deur Rusland beheer word en uitgestorm het nie.

Pelosi se jongste optrede teenoor die president is deur sommige toegejuig terwyl die Republikeine dit as ʼn kinderagtige uitbarsting bestempel het.

Dit was Trump se derde staatsrede. Die president het nie ’n woord tydens sy toespraak gerep oor die staat van beskuldiging waarin hy verlede maand geplaas is nie.

Die senaat stem vandag (5 Februarie) oor Trump se lot. Dit is egter hoogs onwaarskynlik dat hy as president verwyder sal word.

Bronne: BBC, The Guardian, ANA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
katerinadiekat

Inderdaad kinderagtig. But that is what i have come to expect from the democrats.

Oudste

Swak, toonbeeld van totale afwesigheid van ordentlike maniere.

Stefan

Bedorwe Brokkie wat nie van beter wet nie.

Hugh

People are saying that she must have been paid by the republicans to act this way, because she just ensured a clear win for Trump this year, with her childish antics

Ben

Trump bo.