Planne vir geneties aangepaste muskiet om malaria te beveg

(Foto: pixabay)

Die Ugandese regering beoog om ʼn geneties aangepaste muskiet te teel as deel van ʼn plan om malaria in Afrika te beveg.

ʼn Insektarium gaan hiervoor in Kampala gevestig word, waar navorsing oor die teel van dié muskiete gedoen gaan word. Die plan is om ʼn genetiese mutasie te laat versprei wat dodelik is vir muskiete wat malaria veroorsaak, het die Daily Monitor Dinsdag berig.

Die ontwikkeling gaan bestaande maniere aanvul om die verspreiding en voorkoming van malaria te beheer. Dit sluit in teenmalaria-medisyne en muskietnette.

Van die 3 000 muskietspesies ter wêreld, waaronder 800 in Afrika, veroorsaak net drie spesies malaria.

As daar bevind word dat die aangepaste muskiete veilig en doeltreffend is, sal hulle losgelaat word in gebiede wat gebuk gaan onder malaria om uiteindelik daar alle wyfiemuskiete te steriliseer en gevolglik die bevolking van dié gevaarlike muskiete te verminder.

Die navorsing word deur verskeie organisasies gedoen, met behulp van onder meer die VSA se Agentskap vir Internasionale Ontwikkeling, asook United Kingdom Aid namens die Bill & Melinda Gates-stigting en die Open Philantropy Foundation.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

12 Kommentare

schaun ·

En so gaan die zombie siekte begin en die hele afrika uitwis.

Santjie ·

En geen muskiete later nie want dit gaan seker maar enige muskiet wyfie wees wat “gemodify” gaan word, want hoe gaan hierdie mannetjie nou weet waffer wyfie is waffer wyfie? sou nogal graag wou weet

Waldo ·

Ek gaan my kettingsaag onmiddellik terugkoop van die “pawnshop”

Gert van Wierdapark ·

Daar steek beslis meer agter die storie. Die “nuwe muskiete” kan hul dalk nog in die rug steek!!!

Nika ·

Bly om te weet ek is nie die enigste een wat die berig gelees het en gedink het: ‘oh hier kom nog virusse’. :)

Genoeg ·

So van muskiete na varke: As hulle net nog ‘n genetiese mutasie teen varkpes ook kan ontwikkel sal dit wonderlik wees. Het 268 varke verloor. 134 het gevrek en 134 is deur veeartseny en die polisie uit die lewe gehelp. Die ergste was die kleintjies wat maar net ‘n paar dae oud was. Geen teenmiddel is nog op die mark nie.

Dan ·

Stem Oop Oge, stem volkome saam.. Daar is slegs een Skepper, en slegs Een wat mag lewe neem..
Die mensdom peuter in gevaarlike terrein, pasop…

Hendrik ·

Moet ons dan almal in grotte woon en veldkos eet? Bykans geen landbouproduk op die mark is nie deur die mens verander en veredel nie. Tegnieke soos teling en seleksie, indusering van mutasies deur bestraling en genetiese verandering vind al jare plaas en is oor en oor veilig bewys voor dit geregistreer word. God het aan die mens die opdrag gegee om oor die skepping te heers – dit sluit ook in verantwoordelike gebruik daarvan deur nuwe tegnologie sodat die mensom gevoed en gesond gehou kan word. Of moet die diabetes lyers nou maar doodgaan omdat iemand teen genetiese manipulasie is en hulle nie medisyne mag kry nie?

Schalk ·

Ja Hendrik n kleinhondjie se oë gaan op 8 dae oop.Koring het nooit swam siektes gekry nie.Agv. van peuter floreer gif maatskappye.Jy glo seker 5G is wonderlik.Onthou jy die muskiet fiasko in Suid Amerika lees bietjie en dink vir jou self.Toe daai muskiet sy kop uitsteek toe is die teenmiddel vaccine gereed.Koring en vrugte het het n kankerwerende stof in maar swamdoder vernietig dit .Doen jou eie studies voordat jy weer kommentaar op die gebied lewer.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.