‘Ploftoestelle’ aan Obama, Clinton betyds onderskep

Bill en Hillary Clinton in die oprit van hul huis in Chappaqua, New York (6 Januarie 2000). Foto: AP Photo

Die Amerikaanse geheime diens sê beamptes het pakkies onderskep wat “moontlike ploftoestelle” bevat het en aan voormalige pres. Barack Obama en Hillary Clinton geadresseer was.

Dié toestelle is ontdek kort nadat ʼn ploftoestel in die posbus van die liberale miljardêr, George Soros, se huis in Bedford, New York, gevind is. Soros is ʼn gereelde teiken van verregse groepe se kritiek.

Die agentskap sê nie Clinton of Obama het die pakkies in ontvangs geneem nie en nie een van die twee politici was in gevaar om die pakkies te ontvang nie  aangesien dit tydens skanderingsprosedures onderskep is.

Die ploftoestelle is laat Dinsdag en vroeg Woensdag ontdek.

ʼn Amerikaanse beampte het aan The Associated Press gesê ʼn “funksionerende ploftoestel” is tydens die skanderingsproses by Bill en Hillary Clinton se huis in New York gevind. Geheime dienste sê ʼn tweede soortgelyke pakkie was aan Obama geadresseer, en is in Washington onderskep.

Te oordeel aan die tydsberekening en die materiaal wat gebruik is, meen wetstoepassingsbeamptes dit is dieselfde persoon wat verantwoordelik is vir al drie ploftoestelle. Beamptes skarrel nou glo om te bepaal of nog sulke toestelle na enigiemand anders gepos is.

Die huis van oudpres. Barack Obama en sy vrou, Michelle, in Washington (25 Mei 2016). Foto: AP Photo/Andrew Harnik

Die Withuis het intussen die gepoogde aanvalle op Obama, Clinton en ander as “veragtelike terreurdade” bestempel. Sarah Huckabee Sanders, die Withuis se perssekretaris, het Woensdag gesê die persoon wat hiervoor verantwoordelik is, sal deur die volle mag van die gereg in die gesig gestaar word.

“Die Amerikaanse geheime dienste en ander wetstoepassers is besig om die saak te ondersoek en sal die gepaste stappe doen om enigiemand te beskerm wat deur hierdie lafaards bedreig word,” het Sanders gesê.

Donald Trump jr., die president se oudste seun, het getwiet “as iemand wie se familie al direk ʼn slagoffer van hierdie posdreigemente was”, veroordeel hy die voorvalle ten sterkste. “Hierdie twak moet end kry en ek hoop hulle sal vir lank agter tralies eindig.”

ʼn Brief is vroeër vanjaar aan Trump se huis gestuur wat daartoe gelei het dat sy vrou in die hospitaal opgeneem is. ʼn Man het later erken dat hy dreigbriewe met wit poeier op aan Trump se seuns en ander openbare figure gestuur het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Hennie

Bulldust man!

Flip Sadler

Net te toeval dat dit aan aalmal wat aangestuur is, toestelle bedyds onderskep is. Ruik n ROT. Liberale haat Trump met n passie, nog nooit burgers van dieselfde land soveel haat en vernyn aan hul President kan toe dien nie Dalk verkeerd opgesom, sal dit maar dop hou !!!!!!!!!!!!!

jaco

vreemd dat die bomme na die sogenaamde “polities-korrekte” mense gestuur word. Trump is dan kwansuis so sleg, ‘n rassis en en en …

Adam

Trump doen wonderlike dinge vir die VSA, maar ongelukkig is sy gebrek aan staatmanskap en ‘n te aktiewe Twitter rekening iets wat polarisasie veroorsaak.

John

Fopnuus en nou fopbomme na eie adresse… 4 dik pelle daai… en natuurlik CNN die kroonprins van ubernuus. Massas ruk op uit die suide na Trump se muur… Ja nee, die demokrate hou van x-rated flieks… en soek baie stemme om ouma en oupa weer terug te abba na die Withuisie.