Poetin dalk weer pa

Pres. Wladimir Poetin van Rusland (2006) Foto: Kremlin.ru via Wikimedia Commons

Pres. Wladimir Poetin van Rusland (2006) Foto: Kremlin.ru via Wikimedia Commons

Wladimir Poetin (62) was vir ʼn hele paar dae uit die openbare oog met die verduideliking dat hy behandel word vir rugpyn deur ʼn Switserse dokter.

Hy het ná ʼn ontmoeting met Italië se Matteo Renzi op 5 Maart onverwags verdwyn. Verskeie berigte uit Moskou beweer egter dat hy in Lugano, Switserland, was. Daar het die Olimpiese gimnas Alina Kabayeva (31) lewe geskenk aan ʼn babadogtertjie in ʼn private kliniek, Sant’Anna.

Daar word al baie jare lank beweer Alina Kabayeva is Poetin se geheime minnares. In 2008 is ʼn Russiese koerant summier gesluit nadat dit oor die verhouding verslag gelewer het. Poetin se amptelike woordvoerder het geen doekies omgedraai met dié woorde: “Information about the birth of Wladimir Poetin´s child does not correspond to reality.”

Die Kremlin het nog nooit erken dat daar ʼn verbintenis tussen die twee bestaan nie. In 2013 het Poetin van sy vrou, Lyudmilla, ná ʼn huwelik van 30 jaar geskei. Alina Kabayeva is uit die openbare oog sedert September verlede jaar toe sy bedank het uit haar pos in Poetin se United Russia-party.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

jacques ·

Wat n great presedent, hy was weg net vir n paar dae toe mis sy mense hom.
Haha ons Zoempie kan weg wees vir n maand en n aand en niemand sal dit nie eens agterkom nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.