Polisie moet nou heroïen-teenmiddel saamdra

nypd karDie polisie in New York en ander noodpersoneel sal voortaan die middel naloxone moet saamdra.

Naloxone is ‘n neusspuitteenmiddel vir heroïen en ander opiumgebaseerde dwelmmiddels.

Dit volg op die skerp toename in gevalle waar mense ʼn oordosis heroïen of ander opiumgebaseerde dwelms ingekry het, en noodbehandeling moet kry.

Die polisie in Quincy, Massachusetts, dra reeds sedert 2010 naloxone saam en het reeds 211 uit 221 mense gered wat oordosisse ingekry het. Minstens twee Amerikaanse deelstate het onlangs dagga gewettig as ‘n gepoogde teenvoeter vir die skerp toename in die gebruik van ernstiger dwelmmiddels.

Bron: Christian Science Monitor

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.