Prinses Charlene se tweeling gebore

Prins Albert en prinses Charlene. Foto: Monaco se Facebook-blad

Prins Albert en prinses Charlene. Foto: Monaco se Facebook-blad

Prins Albert en prinses Charlene van Monaco het Woensdag ʼn tweeling in die wêreld verwelkom.

Die koninklike paleis het op Facebook die geboorte van Gabriella Thérèse Marie en Jacques Honoré Rainier aangekondig. Gabriella is twee minute voor haar broer in die Prinses Grace-hospitaal gebore.

“Dit gaan goed met die prinses en die kinders.” Jacques is die amptelike troonopvolger vir sy pa terwyl sy suster as die gravin van Carladès bekend sal staan.

Charlene (36) is in Zimbabwe gebore maar het in Suid-Afrika grootgeword en was ’n Olimpiese swemmer vir die land. Sy en haar 56-jarige man is in Julie 2011 getroud.

Albert het twee kinders uit vorige verhoudings, sy dogter Jazmin en seun Alexandre. Albei is buite die eg gebore en mag daarom nie die troon bestyg nie

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

8 Kommentare

Eileen ·

Beteken dit nou dat Charlene haar paspoort gaan terugkry? Baie geluk in elkgeval

Kosie ·

Maartmaand hardloop die hormone in die hoogste versnelling lyk dit mos vir my.

Elfie ·

Kosie – lentekoors in Europa! Ek hoop die twee babas bring hul baie geluk en dat Albert homself nou gaan begin inhou.

Kosie ·

Jip, net soos jy daar sê. So lyk my die Europese lywe ontdooi eers in die lente, Elfie.

lillian ·

Walg my vir die man … weet nie hoe sy nog kinders ook by hom kon hê nie … sy moes gehol het toe sy die geleentheid gehad het … Sy ou verbitterde ou suster Caroline maak boon-op nog haar lewe hel ook. Wie wil so leef?

Elfie ·

Lilian – die liefde is blind ; ). Ek gun haar geluk, soos ek sê hoop ek hy begin homself nou gedra. Ons weet nie hoe hy dalk teenoor haar is tuis nie, regte laventelhaan dalk en het sekerlik haar voete onder haar uitgeslaan! Sy kon sekerlik kies en keur, sy is pragtig en ‘n baie aangename persoon, so sy het hom dalk baie lief. Laat ons hoop dit werk goed uit op di eou einde.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.