Warren Buffet. Foto: Twitter
Wat is ʼn middagete saam met die miljardêr-sakemagnaat Warren Buffet werd? Volgens ʼn anonieme bieër, meer as $3 miljoen.
Reuters berig ʼn anonieme bieër het Vrydag $3 300 100 (ongeveer R41 miljoen) opgedok om ʼn private middagete saam met Buffett (87), uitvoerende hoof van Berkshire Hathaway Inc., te geniet.
Volgens die nuusagentskap kom dié bod aan die einde van ʼn vyf dag lange aanlynveiling op eBay ten bate van die Glide-stigting, ʼn liefdadigheidsorganisasie in San Francisco wat mense help wat arm of haweloos is, of wat sukkel met verslawing.
Volgens Financial Times is dit die derde hoogste bod wat nog behaal is sedert Buffet begin het om jaarliks ʼn middagete saam met hom vir dié veiling aan te bied. Die rekordprys wat al betaal is vir dié voorreg is $3 456 789, albei op veilings in 2012 en 2016.
Buffet word geag as een van die suksesvolste sakebeleggers van alle tye. Berkshire Hathaway besit meer as 60 maatskappye insluitend Geico, Duracell en die kettingsrestaurant Dairy Queen. Buffet is bekend daarvoor dat hy die grootste deel van sy fortuin aan liefdadigheid skenk. Na raming het hy tot dusver byna $32 miljard aan liefdadigheidsorganisasies gegee.
CNBC berig daar is vanjaar meer as $26 miljoen (R330 miljoen) vir Glide deur die aanlyn-veiling ingesamel.
Die wenner van die bod kan nou vir dié stewige prys sewe vriende nooi om saam met Buffet en sy vrou middagete by Smith & Wollensky in New York te geniet. Buffet is bereid om tydens die geselligheid oor enigiets te gesels, behalwe waarin hy volgende gaan belê.
Dit is nie duidelik of Buffet vir die restaurantrekening sal pa staan nie….
Wil nie eers verniet saam met die oom eet nie ?
Oningeligde kommentaar, jy verkies duidelik eerder die Kardashians… arghhh
Wêreldse mense interesseer my hoegenaamd nie, en mense met hope wêreldse skatte het weinig iets belangrik te sê oor die dinge wat regtig saak maak.
Amper het ek gedink dis ‘n buffetete saam met Buffet maar toe lees ek dis ‘n middagete. Ek dink ek sal maar hou by ‘n boere-ete.
Dis niks ….dit was baie duurder om saam met die Guptas tee te drink.
Ek was genooi vir ‘n ete in 20 00 saam met Kadar Asmal wat ek nie aanvaar het. ‘n Persoonlike (Joodse) professor-vriend het my genooi om saam met Asmal (aan dieselfde tafel) te eet en ek het sy uitnodiging nie aanvaar deur (onthou ons was vriende – Leslie het verhuis) dit duidelik te maak die ANC is my vyand en ek heul nie met hulle. Hy het dit goed bedoel – ek het dit in dieselfde goeie tipe bui afgekeur. R.I.P Les.
Cherokee. Ons is nou in 2018 en jy was al genooi vir ‘n ete in 20 000. Dit is nie iets soos Spur wat eintlik Spar moet lees?
zoom zoom..!! Jy is die aaklige gewone jouself op jou beste alweer! Hehe..jy maak seker ek onthou die Spur/Spar :-) Nope, hierdie keer is my datums reg :-)))
Cherokee, wat het jou storie met die berig uit te waai?
Absoluut belaglik! Dink hy nou werklik dat hy só belangrik is? Arrogant om die minste te sê…
Dis vir liefdadigheid, so ek dink glad nie hys arrogant nie…. dit gaan vir minder bevoorregte mense…. well done dat hy even bereid is om dit te doen….. jealous much?
Nee Monica, dit is absoluut alles behalwe jaloesie, maar soos Johann sê, arrogansie! Jy klink soos ‘n aanhanger. Moet dit asseblief nie met ‘n kredietkaart doen nie!
Toevallig is hy so belangrik!
Ek sal maar hou by lewenslange boere vuurtjie en braai.
Ek kan sekerlik negatiewe opmerkings oor Buffet maak, maar nie in die geval nie. Ek hoop mense kan insien dat dit gaan oor liefdadigheid en die hoogste bieër bepaal die bedrag wat betaal word. Baie welaf mense neem deel bloot as ‘n manier om geld te skenk. Daar is niks negatief hier om oor te kla nie.
Wat is op die spyskaart?