Rou riool vloei deur Harare se strate

Riool in Zimbabwe se strate (Foto; AP Photo)

Rou riool vloei vrylik in sommige strate in Zimbabwe se hoofstad en dit is ʼn dodelike uitdaging vir die nuutverkose president wat ʼn nuwe era vir dié land belowe het, berig AP.

ʼn Cholera-uitbreking het reeds meer as 30 persone se lewens geëis en meer as 7 000 is besmet. Die uitbreking het reeds na ander dele van die land versprei.

Die huidige regering het onderneem om die ineengestorte ekonomie teen 2030 om te keer.

ʼn Cholera-uitbreking ongeveer 10 jaar gelede het meer as 4 000 persone se lewens geëis. Water en sanitasiegeriewe is nou grootliks erger as vantevore.

“Dit is deur God se genade alleen dat ons nog nie besmet is nie,” het die 66-jarige Elizabeth Limamu aan die Associated Press gesê. Sy het ʼn ry klippe van die straat na haar huis gepak om te keer dat sy nie in die riool trap nie. Kinders, sommige kaalvoet, speel langs die riool.

“Ek sluit my kinders toe in die huis. Dis nie veilig buite nie,” het haar buurman gesê.

Sommige inwoners het slote gegrawe om die riool se vloei te beheer, maar ander kan nie die riool verhoed wat reeds in hul huise in gestroom het nie.

Een van die inwoners in Budiriro lag oor radioaankondigings dat mense hul hande met lopende kraanwater moet was. “Hierdie krane is al maande lank opgedroog. Wanneer daar water uitkom, is dit bruin en onwelriekend,” het Norman Marambe gesê.

Sommige inwoners het boorgate gesink en vlak putte gegrawe wat dan gesluit word. “Diewe steel die water en die krane as ons dit nie sluit nie,” het die 61-jarige Annatolia Chivanga bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
John

Moet net nie hierheen vlug nie. Die probleem ditto hier en ons hospitale le reeds vol Zimmers… mind you, ons tronke ook. Waarom stem die mense weer vir dieselfde party wat misdrywe vervolmaak het onder his majesty, Mogabe and her Gracious Me?

Johann Fourie

Maar hulle standaard van lewe

Brutus

Riviere hier in SA word alreeds besmet met riool so ons het ook rede tot kommer.

Realis

Coming soon to a neighborhood near you….

Marius

Hoekom hieroor berig Maroela? Ons sit met diesefde probleme. Riool wat voor my huis en in my erf uit die riool pype, wat a.g.v. apartheid gelê was, uitstroom. Apartheid se ministers en slimkoppe moes mos voorsien het dat infrastruktuur in duie gaan stort. Wil graag nog tik, maar voordat ek jare se riool gaan hê, druk ek eerder die “send” knoppie ….