Rusland wil Amerika se spore op die maan soek

Rusland sê sy ruimtevaarders sal oor sowat 15 jaar self gaan kyk of Amerikaanse ruimtevaarders regtig op die maan geland het. Hier poseer Buzz Aldrin in 1969 vir ’n foto tydens die eerste Amerikaanse maanlanding. Foto: Wikipedia

Het die Amerikaners regtig in 1969 op die maan geland? Rusland is nie so seker nie; daarom sal ruimtevaarders op ʼn eersdaagse Russiese maansending probeer vasstel of dit werklik gebeur het.

Die hoof van Rusland se Roscosmos-ruimteagentskap het Saterdag in ʼn video op Twitter gesê dié agentskap het hom voorgeneem om maan toe te vlieg en vas te stel of die Amerikaners regtig 49 jaar gelede op die maan geland het of nie, berig Deutsche Welle.

In sy antwoorde op vrae wat gebruikers getwiet het, het dit voorgekom asof Dmitry Rogozin ʼn grap maak oor die Russiese sending, hoewel samesweringsteorieë oor die Amerikaanse maanlanding volop is in Rusland.

Die Sowjetunie het sy maanprogram in die middel 1970’s laat vaar nadat vier eksperimentele vuurpyle ontplof het.

Rusland is van plan om sy eerste ruimtevaarders vroeg in die 2030’s na die maan te stuur. Die destydse Sowjetunie het sy maanprogram in die middel 1970’s laat vaar nadat vier eksperimentele vuurpyle ontplof het. Die ruimtevaarders sal na verwagting twee weke op die maan vertoef.

Rogozin het in die video gesê geen land kan so ’n sending alleen uitvoer nie en dat Rusland hoop om Amerika, Europa en China se samewerking te verkry.

Amerikaanse ruimtevaarders het die eerste maanlanding in Julie 1969 met die Apollo 11-sending onderneem toe Neil Armstrong die eerste mens was wat voet op die maan gesit het. Dit het plaasgevind midde-in die ruimtewedloop waarin die VSA en die Sowjetunie destyds gewikkel was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
Gert

Stuur seblief tog vir ons EFF leier en sy maats saam maan toe. One way tickets. Ek sal help betaal.

Huisvrou

1 April 2030….?

Soos ek verstaan is die Russiese maansendings in die ’70’s al na die maan … ?

As Dmitry dan ‘n beentrekkery op tou sit, wil hy nie SA as vennoot inneem op sy maansendings nie? Hier is heelparty kandidate om as ruimterommel te gebruik.

Jan

Is daar nog steeds mense wat dink hulle was regtig op die maan. Gaan Google die storie….

Pieterv

….en die 3de wêreld lande vergaan van die honger.

Daan

Aarde is plat he he , nou lekker gelag