Foto: VOA Markosian/Wikipedia
Oekraïne se staatsagentskap vir die bestuur van die uitsluitingsone het Sondag gesê Russiese magte wat die Tsjernobil-kernaanleg beset het, het radioaktiewe middels uit navorsingslaboratoriums gesteel.
Moskou se magte het op 24 Februarie, op hul eerste dag van die inval in Oekraïne, die aanleg beset. Hulle het die hoogs radioaktiewe sone vir meer as ʼn maand beset voor hulle op 31 Maart onttrek het.
Die agentskap het intussen op Facebook aangevoer dat Russiese soldate twee laboratoriums in die gebied geplunder het. Volgens die agentskap het die Russe ʼn stoorplek van die navorsingsbasis betree en 133 hoogs radioaktiewe middels gesteel. “Selfs ʼn baie klein deeltjie van dié aktiwiteit is dodelik as dit onprofessioneel hanteer word.”
German Gulashchenko, Oekraïne se minister van energie, het vroeër vandeesweek gesê Russiese soldate het hulself blootgestel aan ʼn “skokkende hoeveelheid” van kernbestraling en sê sommige van hulle het waarskynlik minder as ʼn jaar om te leef.
“Hulle het in die grond, wat met bestraling besmet is, gegrawe en radioaktiewe sand in sakke versamel. Hulle het die stof ingeasem,” het Gulashchenko Vrydag op Facebook gesê ná hy die uitsluitingsone besoek het.
“Ná ʼn maand van só blootstelling, het hulle maksimum een jaar van lewe oor. Wel, nie lewe nie, maar ʼn stadige dood weens siektes,” het die minister gewaarsku.
Hy sê Russiese weermagtoerusting is ook besmet. “Die onkunde van die Russiese soldate is skokkend.”
Die wêreld se ergste kernramp ooit het in 1986 by die Tsjernobil-kernaanleg plaasgevind.
Pous vra ‘Paasskietstilstand’ in Oekraïne
Pous Franciskus het Sondag ʼn skietstilstand oor Paasfees in Oekraïne versoek om die weg te baan vir vrede deur “regte onderhandeling”.
“Laat die Paasskietstilstand begin. Moenie nog wapens verskaf en weer begin baklei nie. Nee! ʼn Skietstilstand sal tot vrede lei, deur ware onderhandeling,” het hy tydens ʼn openbare mis by die Sint Pietersplein in die Vatikaan gesê.
Die pous het die oorlog veroordeel waar “weerlose burgers gruwelike slagting en gruwelike wreedheid” beleef.
“Watter oorwinning is daar om ʼn vlag te plant op ʼn hoop gemors?” wou hy weet.
Franciskus het Woensdag reeds veroordeel dat burgers in Oekraïne geteiken word. Hy het ook sy bereidwilligheid bekendgemaak om ʼn bydrae te lewer en is gereed om na Kiëf te reis.
Uitruil van gevangenes
Oekraïne het Saterdag gesê hy het ʼn derde uitruiling van gevangenes met Rusland afgehandel en 12 soldate en 14 burgerlikes huis toe gebring.
Moskou sê Russiese soldate het ook op ʼn Oekraïense vaartuig gevuur wat gepoog het om bevelvoerders van die Azof-battaljon uit Marioepol te ontruim.
Die Azof- spesiale operasies-eenheid veg teen Russiese magte in Marioepol, ʼn gebied tussen die Russies-besette Krim en die pro-Russiese separatiste streke in Oekraïne se ooste.
- Carte Blanche fokus Sondag 10 April op die konflik in die Oekraïne. Ná twee weke op die pad in Oos-Europa wat ʼn gevaarlike kruising na Oekraïne insluit, vertel Carte Blanche-vervaardiger Anina Peens en kameraman Pierre le Roux, die stories van die mense wat hulle langs die pad ontmoet het. Deur die span se lens kan hulle die stories vertel van burgerlikes se lewe in die oorlog waarvan die uitwerking reg oor die wêreld weerklink het. Onthou om in te skakel vir Carte Blanche op DStv kanaal 101 of die DStv-app elke Sondag om 19:00. Volledige episodes is ook op Catch-up beskikbaar.
Baie van die Russiese soldate is agterlike mense wat eenvoudig geen ander heenkome het as Poetin se moordbendes nie , waar hulle enigste ambisie die volgende bottel vodka is ___ hulle weet nie eers wat radio-aktiwiteit is nie , hoe sal hulle nog weet hoe om sulke materiaal te hanteer ?
Kommuniste en kriminele is een en dieselfde.
Dit is onverstaanbaar hoe Russiese soldate hulle ‘doelbewus’ aan radioaktiewe stowwe kan blootstel! Die waarheid sneuwel gewoonlik eerste in ‘n oorlog.
Russiesie idiote. Geen wonder die ANC is so lief vir hulle nie. Beide het NIKS tussen die ore nie.
Oekraïnense organisasie sê dit was Russiese soldate en Rusland kry nie ‘n kans om te antwoord of reageer nie. Eensydige stellings deur Oekraïne en sal mens ooit die waarheid hoor?
Ons sal nie die waarheid weet as net een deel van die saak op westerse media gedeel word. Ongelukkig word TV netwerke wat n ander weergawe deurgee uit lande verban en al wat oorbly is propaganda van een kant van die konflik en regerings wat hulle eie agendas dryf.
Almal weet n saak het altyd twee kante en ook n muntstuk maar volgenens die westerse media is daar net een kant en dit is hulle kant.
Verleede week het die CIA erken dat hulle doelbewus valse nuus versprei oor Rusland en dan word dit wereld wyd gedeel deur die massa media en almal kyk daarna en glo al die leuns en form hulle opinies op wat hulle hoor ipv te gaan uitvind wat die ander kant van die storie is.
Rusland het daai gebied vir ‘n maand beset. Wie anders dink jy het daai slote gegrawe? As ek Oekraine was, het ek stilgebly sodat die Russiese soldate maar sterf sonder om te weet hoekom.
Die Russe het Tsjernobil opgerig. As kernkrag moondheid het hulle meer as 70 jaar se bewese kundigheid oor die aanwending/gebruik van kernkrag, insluitende die bestralingsgevare wat hul soldate mag ervaar.
Nog ‘n deursigtige smeersprokie van die Oekraïne om die wreedaardige Russe van als wat sleg en laag is te beskuldig???
Koddig dat Carte Blanche die aaklighede wat daagliks en reeds vir dekades in die droewe land plaasvind ignoreer, om met nog ‘n dun sopstorie vanuit die Oekraïne, vorendag te kom. :-)
Dit sal ‘n rukkie neem maar kom ons kyk maar wie sterf aan bestralings-geïnduseerde siekte!?
Dankie Hendrie
Gedurende die soganaamde Maiden revolusie in Oekraine in 2014 was die wettige regering deur n staatsgreep omver gewerp. Dit het gebeur net nadat die regeering besluit het om nie die EU se dokument te teken sodat die Oekraine deel van die EU gaan word nie.
Na die revolusie is Russies verban en net Oekrainies mag gepraat word. So as ons regering vir ons se ons mag nie meer Afrikaans praat nie, ons mag nie meer in Afrikaans in ons skole geleer word nie en dat slegs een kultuur van die land is aanvaarbaar bv. Zuku. Ons moet nou almal Zulu praat en net hulle kultuur aanvaarbaar en ons kinders mag net in Zulu onderig word.
Dit is presies wat in Oekraine gebeur het en dit het veroorsaak dat n deel van die land besluit het om nie meer deel van die Oekraine te wees nie en wou afstig. Reverendums is gehou en die inwoners het besluit om onafhanklik te word.
Die arias is die Donbas en die Lugansk areas. Die areas is deur Kiev aangeval in 2014, 14000+ het gesterf.
Andre, jy lees ook maar propaganda. Baie wat jy sê, is onwaar.
“Luister”, kan jy dalk Andre verkeerd bewys, met bewyse uit gerekende bronne?
Jy kan die feite verdraai soos jy wil maar dit maak dit nognie die waarheid nie __ Rusland het die ooste van Ukraiene gedestabiliseer om sodoende ‘n landbrug met Crimea, wat hulle ook wederregtelik geannekseer het , te verkry . Die weste het hulle heeltemaal te veel toegelaat .
Andre se feite is in die kol. Die waarheid kan nogal ongemaklik wees.