Sahara se vergroting is ʼn bedreiging vir Afrika-boere

Die Sahara het die afgelope eeu met 10% suidwaarts uitgebrei, het ʼn studie bevind.

Wetenskaplikes sê die bevindings, gebaseer op ʼn analise van reënval wat tot 1920 terugdateer, het verreikende gevolge vir gemeenskappe wat deur die verlies aan bewerkbare grond geraak word.

Woestyne word tipies gekenmerk deur gemiddeld lae jaarlikse reënval – minder as 100 mm per jaar, en die Sahara is die wêreld se grootste warmweer-woestyn. Sy grense, soos alle woestyne, wissel saam met die seisoene en brei uit in die droë winter en krimp tydens nat somers.

Reënvaldata toon egter dat die woestyn die afgelope 100 jaar met 10% uitgebrei het, en wetenskaplikes sê klimaatsverandering as gevolg van menslike gebruik, is verantwoordelik vir byna ʼn derde hiervan.

Die Sahara se uitbreiding ontwrig ook die streek se brose grasveld-eko-stelsels en gemeenskappe.

Prof. Sumant Nigam van die Universiteit van Maryland, senior outeur van die studie in die Journal of Climate, het gesê ander woestyne in die wêreld word waarskynlik ook hierdeur geraak. ʼn Vermindering in bewerkbare grond met voldoende reënval om die oes te ondersteun, kan verwoestende gevolge hê – veral vir gemeenskappe wat staat maak op die landbou vir hul ekonomie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Manie Strydom

Die kolonialiste sal die gebied moet oorneem en die woestyn keer of terug skyf anders is die woestyn binekort sa se noordelike grens

Eish

Eish, dan is hy ook besig met ‘n ‘land grab’ . . .

Peet Schabort

http://pittsburgh.cbslocal.com/2018/03/26/orange-snow-russia-sahara-desert/
Glo dit (of nie?), Afrika se grond is ook in Europa en Rusland. Hier kom óók ‘n ‘land grab’.

Sarel swartbrand

Soos die landbou grond minder word sal kos minder word en die monde wat gevoed moet word ook meer, en eendag sal die wereld leiers moet kies oor watter gebied nie meer nodig is nie en ek dink die woestyn le in daardie nutelose vasteland.

Oom Kalahari

@Peet Schabort, wel soos jy kan sien waai die sand wat aan die Afrika boorlinge behoort oor die grense en gaan beslis later kapsie gemaak word. Jy is reg met jou stelling en ‘n “land grab” is op die sand storm horison.