Die sanger Chris Brown het hom ʼn stortvloed kritiek op die hals gehaal nadat hy op Twitter gesê het dat die dodelike ebola-virus ʼn vorm van bevolkingsbeheer is.
Brown het Maandag getwiet:
I don't know … But I think this Ebola epidemic is a form of population control. Shit is getting crazy bruh.
— Chris Brown (@chrisbrown) October 13, 2014
Brown se uitlatings het Twitter behoorlik aan die gons gesit en hewige reaksie uitgelok. Sy twiet is meer as 28 000 keer gedeel. Talle mense het die omstrede sanger as onkundig bestempel en sy intelligensie bevraagteken. Brown het later getwiet hy dink hy moet eerder stilbly. Dinsdag het die sanger egter weer ‘n ander deuntjie gesing en die volgende getwiet:
I say what I want. If u don't like it…. "SUCK MY ASS" ( little Asian girl voice)
— Chris Brown (@chrisbrown) October 14, 2014
Brown se uitlatings kom nadat die Wêreldgesondheidsorganisasie (WGO) opnuut sy kommer oor die virus uitgespreek het. Volgens die WGO se statistiek is meer as 4 000 mense reeds uit altesaam 8 400 gevalle in sewe lande (Guinee, Liberië, Nigerië, Senegal, Sierra Leone, Spanje en Amerika) oorlede.
Dink daar is ook baie wat saam met hom stem, maar daar word niks daarvan gesê nie!
Hy homself is van die pad af. Kon so iets verwag het.