Australiese ondersoekers gaan van die standpunt uit dat die seine wat onder die see gevind is, wel van die vermiste Maleisiese vliegtuig van vlug MH370 afkomstig is.
Reuter het premier Tony Abbot tydens ’n besoek aan China aangehaal. Abbot maan egter dat dit nie beteken dat die vliegtuigwrak self gevind sal word nie. Die ondersoekers weet bloot waar die twee swart boksies wat aan boord was en wat onderskeidelik vlugdata en stemopnames gemaak het, hulle bevind.
Die see is op die plek sowat 4,5 kilometer diep.
Die swart boksies se batterye kan seine ongeveer dertig dae lank ondersteun, waarna die seine al swakker sal word tot dit ophou.
Bron: Reuters