Seun (5) dood ná straf oor bednatmaak

Yanis (5) Foto: Daily Mail

Yanis (5) Foto: Daily Mail

ʼn Vyfjarige seun is Maandag dood in die dorpie Aire-sur-la-Lys in die noorde van Frankryk nadat hy glo etlike kilometer ver in yskoue weer langs die kus moes hardloop, slegs met sy onderklere aan, omdat hy sy bed natgemaak het.

Die seun, net bekend as Yanis, is vermoedelik aan ʼn hartaanval oorlede.

Volgens die Franse polisie het die seun se stiefpa (30) met ʼn fiets agter hom aangery en die seun gedwing om “sy straf te aanvaar”.

Die stiefpa het die nooddienste ontbied nadat hy inmekaargesak het.

By die polisie se aankoms het die seun se liggaam langs ʼn kanaal gelê. Hy het net sy onderklere en kouse aangehad en sy neus was gebreek. Sy lyf het ook talle skraapplekke gehad wat vermoedelik tekens is dat die seun geval het terwyl hy gehardloop het.

Die polisie het intussen gesê hulle vermoed die seun word al ʼn geruime tyd tuis mishandel. ʼn Nadoodse ondersoek het ook getoon dat hy verskeie frakture op sy skedel het wat nie aan ligte beserings toegeskryf kan word nie.

Volgens die Daily Mail is die seun se 22-jarige ma en stiefpa Dinsdag vroeg in hegtenis geneem.

Bron: Daily Mail, Mirror

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

66 Kommentare

jongste oudste gewildste
lettie

Watter regdenkende volwasse doen dit aan n kleuter? Mag hy die hoogste straf kry in Frankryk!

Erika

Wreedaardig. Arme seuntjie.

BS

My hart is seer vir daai seun. Mag hy veilig wees in Jesus se arns. Soos Poppie, geen ma wat die moeite werd is om ma genoem te word nie. Hy is beter af waar hy.nou is

BS

My hart is seer vir daai seun. Mag hy veilig wees in Jesus se arms. Soos Poppie, geen ma wat die moeite werd is om ma genoem te word nie. Hy is beter af waar hy.nou is

Theresa B

Hoe walglik kan ouers net nie wees nie…..??!!