Seun (6) slaan pasgebore baba dood; ma aangekla

Kathleen Marie Steele nadat sy op 11 Augustus 2016 in hegtenis geneem is. Foto: Pinellas County Sheriff's Office via AP

Kathleen Marie Steele nadat sy op 11 Augustus 2016 in hegtenis geneem is. Foto: Pinellas County Sheriff’s Office via AP

ʼn Sesjarige seuntjie van Florida in die VSA het na bewering sy pasgebore babasussie  doodgeslaan nadat hul ma hulle vir meer as ʼn halfuur alleen in ʼn motor gelos het.

Die ma, Kathleen Marie Steele (62), word nou van strafbare manslag met verswarende omstandighede aangekla.

Bob Gulatieri, ʼn plaaslike polisiewoordvoerder, het gesê die vrou het glo Maandag by ʼn selfoonherstelwinkel in St. Petersburg ingegaan en haar pasgebore baba en twee seuns, onderskeidelik drie en ses jaar oud, in die motor gelaat. Volgens Gulatieri het die baba glo begin huil en die sesjarige kind het haar geslaan en geskud in ʼn poging om haar te laat ophou huil.

“Hy het die baba soos ʼn lappop rondgegooi,” het Gulatierti Donderdag tydens ʼn mediakonferensie gesê. Volgens die polisie was die motor se dak bevlek met bloed toe Steele 38 minute later terugkeer, maar het sy eers by die huis die baba se beserings opgemerk.

Steele het haar buurvrou, wat ʼn verpleegster is, geroep om na die baba te kom kyk en die buurvrou het mond-tot-mond-asemhaling op die baba toegepas totdat paramedici opgedaag het. Die baba is by die huis dood verklaar.

Steele is Donderdag in hegtenis geneem. Gulatieri het gesê hoewel die seun sy suster se dood veroorsaak het, sal hy nie strafregtelik aangekla word nie. “Die fout lê by die ma, nie by die sesjarige seun nie,” het hy gesê. Steele se twee seuns is tydelik in pleegsorg geplaas.

Steele se man is in 2011 aan kanker oorlede. Haar babadogter en driejarige seun is gebore nadat sy kunsmatige inseminasie ondergaan het met die gebruik van haar man se bevrore sperm.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Wat-ek-lees

Uiters tragies, ook dat sy op 62 jaar nog ‘n baba wou hê is net so tragies. Dit lyk my sy kan ook nie somme maak.

Ronelle

Dis duidelik sy haar verantwoordelik heid vergeet toe sy uit die kar klim en haar pasgebore baba los en nog twee kinders,sy 62 ek nie daarteen nie,maar jinne as jy nog babas het moenie nog kry nie,jou gewete sal jou we’ll pla en syne gn hom die dag pla as familie hom vertel as hy groter word,jle beter af in pleegsorg,hle moet net iemand gn sien met dai woede in hle,rus sag ou engeltjie,die is tragies en kon gestop geword het

Andrea

Daardie seuntjie makeer iets. Psigopaat “in the making”.

Poplap

Wat ‘n tragedie. Hoe kan die vrou op 62 nig kinders wou he. Dis selfsugtig van haar. Dit steel mens dwars in die kop dat sulke mense kids kan he en dan is daar mense wat smag na ‘n kindjie maar net nie swanger raak nie.

Griki

Ek dink die ouderdom is verkeerd. Maar as ek so na die foto kyk het sy baie myle op.