Argieffoto
Vier kinders en drie vroue van een familie is Vrydag dood toe weerlig hulle in Meksiko getref het, volgens plaaslike owerhede.
Nog ʼn kind en ʼn 26-jarige vrou is beseer, het AFP berig.
Die slagoffers was besig om tydens ʼn donderstorm in ʼn veld te werk in die bergagtige dorpie, Mesa Cuata, in Guanajuato.
Die kinders was drie, vyf, nege en 14 jaar oud. Die vroue was 19, 32 en 44 jaar oud.
