Skutter by Joodse sentrum in VSA voormalige Ku Klux Klan-leier

Foto: NBC News

Foto: NBC News

Drie mense is dood toe ʼn 73-jarige man Sondag op inwoners van ʼn Joodse gemeenskapsentrum en versorgingsoord vir bejaardes in Kansas losgebrand het. Dit het intussen bekend geword dat die aanvaller, Frazier Glenn Cross, voorheen ʼn leier van die Ku Klux Klan was en met die White Patriot-party verbind word. Hy het ʼn lang geskiedenis van botsing met die gereg.

Toe Cross kort ná die aanval aangekeer is, het hy “Heil Hitler” uitgeroep en anti-Semitiese slagspreuke vanuit die agterkant van die polisievoertuig geskreeu.
Cross, wat ook die van Miller gebruik, is na bewering in 1979 uit die elite-eenheid, die Green Barets, geskop weens sy politieke aktiwiteite. In die tagtigerjare het hy borgvoorwaardes verbreek, en is later opgespoor in ʼn karavaan vol handgranate, outomatiese vuurwapens en duisende rondtes ammunisie.

 

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Shannon ·

“Crime knows no color” “Crime affects everybody”
Hierdie is bloot `n algemene misdaad.

Shannon ·

“Die waarheid maak jou vry”. M.b.t. jou gewete. Leuens bevry jou van tronk straf – ie, Jackie Selebie, Schabir Shaik.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.