Sterk aardbewing skud Iran

ʼn Motor lê onder ʼn hoop puin nadat ʼn aardbewing dele van Iran geruk het. (November 2017) Foto: Pouria Pakizeh, AP

ʼn Aardbewing, met ʼn sterkte van 6 op die momentmagnitudeskaal, het Maandag die westelike deel van Iran, naby die grens met Irak, getref.

Dit is dieselfde streek waar ʼn aardbewing verlede maand tot die dood van meer as 600 persone gelei het.

Daar is nie dadelik enige sterftes, beserings of groot skade aangemeld nie.

Iran beleef byna daagliks skuddings, aangesien dit op groot verskuiwingslyne geleë is. ʼn Aardbewing van 6.6 het in 2003 die historiese stad Bam uitgewis en 26 000 persone is dood.

Pres. Hassan Rouhani het gesê die regering wend steeds pogings aan om hulpmiddels en tydelike behuising te reël vir die slagoffers van verlede maand se skudding. Kritici meen egter die regering het nie vinnig genoeg of voldoende reageer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.