Sterk aardbewing skud Mianmar, Indië

Argieffoto

Argieffoto

ʼn Sterk aardbewing, wat 7.1 op die momentmagnitudeskaal geregistreer het, het Mianmar en Indië Woensdag geskud.

Die Mianmar-aardbewingskomitee het gesê die middelpunt van die aardbewing was in Mianmar se noordwestelike gedeelte, maar geen sterftes is tot dusver aangemeld nie. Die Indiese departement van meteorologie het gesê die aardbewing het 6.8 in die oostelike en noordoostelike dele van die land gemeet.

Die omvang van die skade van die aardbewing is nog nie bekend nie.

Kort na die aardbewing die twee lande getref het, is sterk trillings in Tibet aan die suidweste van China waargeneem. Verslaggewers in die gebied het gerapporteer die trillings, wat byna ʼn minuut lank aangehou het, is veral in Lhasa, die plaaslike hoofstad, waargeneem. Inwoners het glo uit hul huise gehardloop na veiligheid.

Ligte trillings is ook op die China-Mianmargrens waargeneem in China se Yunnan-provinsie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.